Vår.

Emnet har eit avgrensa tall på plassar og inngår i undervisningsopptaket.

Meir informasjon: http://www.uib.no/matnat/utdanning/studiehverdag/undervisningsopptakethttp://www.uib.no/matnat/utdanning/studiehverdag/undervisningsopptaket

Frist for å melda seg til undervising i emnet er torsdag i veke 2 for vårsemesteret. Du får svar på Studentweb seinast tysdag veka etter om du har fått plass på emnet.

Første forelesning/orienteringsmøtet er obligatorisk, du mistar undervisingsplassen i emnet om du ikkje stiller denne dagen.

Tidspunkt for første forelesning/orienteringsmøtet finn du på timeplanen på nettsida til emnet eller på Mitt UiB.

Dette emnet vil gje studentane teoretisk og praktisk introduksjon til viktige metodar og teknikkar i biokjemi og molekylærbiologi. Desse inkluderer arbeid med biokjemisk og molekylærbiologisk laboratorieutstyr, biologiske løysningar og buffer, spektrofotometrisk analyse, enzymologi og demonstrasjonar av aktuelle forskingsaktivitetar ved instituttet. Studentane vil læra dei fysiske og kjemiske prinsippa bak dei analytiske metodane.

Samstundes med dei praktiske aspekta ved emnet vil det også verta lagt vekt på design og førebuing av eksperimentelt arbeid og dokumentasjon, kritisk evaluering, og kvalitativ og kvantitativ analyse av resultata. Tryggleiksaspekt ved laboratoriearbeid blir og vektlagt.

Emnet har som mål å gje basalkunnskap i eksperimentell biokjemi og molekylærbiologi.

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskapar

Studenten

• kan forklare prinsippa for basale metodar i eksperimentell biokjemi og molekylærbiologi (buffer teori, spektrofotometi og målingar av kinetikk og gelelektroforese)
• kan forklare eksperimentelle data
• kjenner generelle sikkerheitsreglar for laboratoriearbeid i molekylærbiologi

Ferdigheiter

Studenten

• kan gjere bruk av basale metodar i eksperimentell biokjemi og molekylærbiologi
• kan bruke ordinære internett-baserte databasar for protein og nukleinsyre analyser
• kan planlegge eksperimentelt arbeid basert på ein protokoll
• kan kritisk evaluere og diskutere eksperimentelle resultat
• kan følgje generelle sikkerhetsrutinar i laboratoriet
• kan skrive labjournal
• kan anvende kritisk og korrekt kjeldebruk

 Generell kompetanse

Studenten

• utarbeider og nytter protokollar for basalt eksperimentelt arbeid i biokjemi og molekylærbiologi
• forklarar, evaluerer kritisk og diskuterer eksperimentelle resultat frå basalt eksperimentelt arbeid i biokjemi og molekylærbiologi

Grunna koronavirus situasjonen vert eksamen våren 2020 gjenomført som digital skriftleg skuleeksamen . Eksamenstid: 2,5 time (inkluderer 0,5 teknisk tid).

Hjelpemiddel: Enkel kalkulator tillat, i samsvar med fakultetets regler.