Emner: SANT102 Sosialt liv i globalt perspektiv - Vår 2020
Studiepoeng
15.0Studienivå (studiesyklus)
Bachelor
Undervisningsspråk
Norsk
Undervisningssemester
Vår
Mål og innhald
I sosialantropologien er det sentralt å forstå korleis menneske organiserer kvardagslivet, og korleis sosiale praksisar i dagleglivet inngår i større samanhengar. Undervisninga tek utgangspunkt i at globalt komparative studiar av variasjon i ulike samfunn si omgrepsfesting og organisering av sosiale relasjonar har spelt ei avgjerande rolle i utviklinga av faget sosialantropologi. Emnet gjev ei konsentrert framstilling av global variasjon i sosiale relasjonar og former for organisasjon, med vekt på familie, hushald, ekteskap, slektskap, venskap, og kjønn. Slike mellompersonlege relasjonar inngår på ulike vis på høgare nivå av sosial organisasjon. Emnet skal gjere studenten i stand til å kartleggje og analysere sosiale relasjonar på ulike nivå. Med fokus på endring og kontinuitet innanfor antropologiske tilnærmingar, gjev emnet ei fordjuping i korleis sosiale relasjonar grip inn i alle menneske sine liv, og korleis dei er vevd inn i kosmologiske førestellingar, økonomiske transaksjonar og maktutøving. Det blir lagt vekt på å kontrastere klassiske sosialantropologiske studiar med døme frå moderne industrisamfunn der betyding av migrasjon, transnasjonalisme, og teknologi for sosiale relasjonar står sentralt.
Læringsutbyte
Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:
Kunnskap
- ha oversikt over sosialantropologiske teoriar, metode, faghistorie og eigenart knytt til studiet av slektskap, ekteskap, vennskap og reproduksjon
- ha brei kunnskap om ulike kulturelle praksisar og forståingar på ei rekkje livsområder knytt til etablering og utvikling av sosial organisasjon, familie og hushald
Ferdigheter
- kunne gjere greie for sentrale antropologiske debattar om samanhengar mellom materielle vilkår og symbolske dimensjonar knytt til slektskap, ekteskap og vennskap
- kunne anvende antropologisk kunnskap, omgrep og perspektiv på konkrete, empiriske kasus som gjelder organiseringa av sosialt liv i relasjon til kulturelle, økonomiske og økologiske moglegheiter og rammar
- kunne gjere greie for korleis teknologiutvikling og transnasjonalisme har innverknad på sosiale relasjonar som slektskap, ekteskap og kjønn.
- kunne reflektere over fagetiske problemstillingar som er relevante for emnets tematikk
Generell ompetanse
- kunne anvende sosialantropologiske omgrep og perspektiv i forståinga av slektskap, ekteskap, hushald og vennskap
- kjenne til hovudtrekka i kvalitativ metode og kan reflektere over desse
- kunne lese og skrive akademiske tekstar innanfor fagspesifikke sjangrar
Krav til forkunnskapar
Ingen
Tilrådde forkunnskapar
SANT100, SANT150
Krav til studierett
Emnet er ope for studentar ved UiB.
Arbeids- og undervisningsformer
Førelesingar, litteraturseminar, etnografisk film og kommentarar til arbeid med skriftlege oppgåver.
3-4 timer forelesing pr. veke
7-8 veker, ca. 26 timer forelesning
Obligatorisk undervisningsaktivitet
Oppgåveinnlevering undervegs på 1500 ord (+/- 10 prosent). Oppgåva må vere godkjend for å kunne gå opp til eksamen. Godkjend oppgåve er gyldig inneverande og påfølgjande semester.
Vurderingsformer
Skuleeksamen 8 timer
Karakterskala
Emnet blir karaktersatt med bokstavkarakterar A-F.
Vurderingssemester
Eksamen blir tilbydd i undervisningssemesteret og påfølgjande semester (ordinær eksamen for studentar med gyldig godkjent obligatorisk undervisningsaktivitet).
Emneevaluering
Emnene blir evaluert i tråd med UiB sitt kvalitetssikringssystem.
Kontaktinformasjon
studieveileder@sosantr.uib.no
55 58 92 50 / 55 58 94 51
Institutt
Institutt for sosialantropologi