Etter avslutta kurs skal studentane ha følgjande læringsutbytte definert med tanke på kunnskap, ferdigheiter og generell kompetanse:

Kunnskap:
Studenten har inngåande kunnskapar om:

• Ulike kunnskapsparadigme og forklaringsmodellar, og implikasjonar av desse for val av metodisk strategi
• Sentrale omgrep og teoriar innan kvantitative og kvalitative metodar, kombinerte metodar og aksjonsforsking
• Forskingsdesign i kvantitativ og kvalitativ forsking, inkludert formulering av forskingsspørsmål
• Etiske prinsipp i forsking og bruk av desse i kvantitativ og kvalitativ forsking
  

Ferdigheiter:
Studenten har evna til å:

• Utvikle forskingsproblem, argumentere for relevansen av desse og identifisere forskingsmetodar som er passande for dei valde problemer
• Diskutere sentrale omgrep for kvalitet i både kvalitativ og kvantitativ forsking
• Diskutere og tilnærme seg kritisk til grunnleggande prinsipp for forskingsetikk

Generell kompetanse:
Studenten kan:

• Ta kvalifiserte val mellom ulike forskingsmetodar relatert til eigen disiplin
• Kommunisere og diskutere ulike forskingsdesign og gjere greie for respektive føremoner og bruksområder for desse
• Kritisk, analytisk og systematisk evaluere forskingslitteratur

Ope for alle med studierett på masterprogramma i Global Development Theory and Practice, Barnevern og Helsefremjande arbeid og helsepsykologi. Andre masterstudentar på relevante masterprogram ved UiB og utvekslingsstudentar kan søkje.

Førelesingar, gruppearbeid, samt individuell og/eller felles tilbakemelding på dei to skriftlege øvingane.

Det blir forventa at studentane set av om lag 270 timar arbeid som inkluderer førelesingar, gruppearbeid, førebuing til desse, i tillegg til sjølvstendig studium.

To skriftlege øvingsoppgåver (1000 ord kvar) om tema relatert til læringsutbyta for emnet. Begge øvingsoppgåvene må vere fullførte og godkjente før ein kan gå opp til eksamen.

Obligatorisk deltaking på minimum 80% av gruppearbeid.