Emnet har eit omfang på 15 studiepoeng og er normert til eit semester.

Deltid.

Norsk.

Haust, annakvart år.

Studiet er nettbasert, men i starten av kvart semester blir det vanlegvis arrangert ei samling i Bergen.

Emnet er ei vidareføring av PED111 Pedagogisk filosofi frå bachelorstudiet i pedagogikk. Emnet skal gi studentane grundig forståing for korleis pedagogisk filosofi og idéhistorie kan problematisere føresetnader for pedagogisk praksis. Det blir lagt vekt på at studentane sjølv skal ta stilling til og drøfte grunnleggande pedagogiske spørsmål og utfordringar. Studentane si kritiske lesing av pedagogisk-filosofiske tekstar, deira aktive deltaking i seminar, samt deira sjølvstendige tekstproduksjon, utgjer ein vesentleg del av studiet sitt innhald.

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskapar

Studenten:

• har inngåande kunnskap om og forståing for pedagogisk-filosofiske teoriar
• har grundig forståing for sentrale pedagogisk-filosofiske spørsmål og omgrep

Ferdigheiter

Studenten:

• kan gjere greie for og drøfte ulike oppfatningar av utdanning, kunnskap og læring, samt forholdet mellom desse
• kan gjere greie for og drøfte ulike syn på forholdet mellom utdanning og samfunn
• kan ta stilling til og drøfte grunnleggande problem innan pedagogisk arbeid og innan pedagogikk som fag og forskingsfelt, inkludert forholdet mellom fagets praktiske og teoretiske dimensjonar

Generell kompetanse

Studenten:

• meistrar akademisk skriftleg framstillingsmåte
• kan diskutere grunnlagsproblem både munnleg og skriftleg
• kan ta imot tilbakemelding på eigne tekstar og forbetre desse i lys av tilbakemeldinga

Studiet er nettbasert, men i starten av kvart semester blir det vanlegvis arrangert ei samling i Bergen. Emnet kombinerer nettbaserte seminar, med rettleiing på skriftlege oppgåver, og eigne litteraturstudiar.

Emnet nyttar heimeeksamen over 14 dagar.  

Litteraturlista vil vere klar innan 01.06. for haustsemesteret og 01.01. for vårsemesteret.

Litteraturlista er på 1000 sider (+/- 10 %). Delar av litteraturen kan vere tilgjengeleg i form av eit kompendium.

Studentane skal evaluere undervisninga i tråd med UiB sitt kvalitetssikringssystem. Evalueringa er nettbasert.

Institutt for pedagogikk.

Det psykologiske fakultet v/ Institutt for pedagogikk har det administrative ansvaret for emnet og studieprogrammet.

Studierettleiar kan kontaktast her:

Studieveileder@psyfa.uib.no

Tlf 55 58 27 10