Studieprogrammet skal utnytte forskinga innan fagfeltet til å utdanne kandidatar med teknologisk kompetanse innanfor petroleum- og prosessteknologi, og danne grunnlag for vidare studiar.
Programmet kombinerer dei klassiske realfaga fysikk, matematikk og kjemi med geologi for å gi eit solid fagleg fundament for arbeid i olje- og gassindustrien. I starten av studiet blir det lagt stor vekt på å gi deg eit godt grunnlag i dei basisfaga som er nødvendige for å gi ei djupare forståing for dei fysiske og kjemiske prosessane som er knytte til olje- og gassutvinning. Fagfeltet petroleumsteknologi er særleg retta mot reservoarskildring og modellering av strøyming i porøse media i undergrunnen, medan fagfeltet prosessteknologi konsentrerer seg om transport og vidareforedling av olja og gassen etter at råvarene har kome til overflata.
Kandidaten skal ved avslutta program ha følgjande læringsutbyte definert i kunnskapar, ferdigheiter og generell kompetanse:
Kunnskaper:
- forklare matematiske omgrep og anvende matematiske teknikkar innan til dømes derivasjon og integrasjon, komplekse tall, enkle differensiallikningar og lineær algebra
- forklare generelle kjemiske omgrep og samanhengar mellom desse og kunne utføre enkelt eksperimentalt arbeid i kjemi, greie ut om termodynamikkens lover, elektrokjemi og reaksjonskinetikk og anvende desse til analyse og drøfting av komplekse problemstillingar i faget
- greie ut om mekanikkens grunnleggande omgrep og vera i stand til å bruke desse på fysiske problemstillingar
- forklare og anvende terminologien i geologi, og anvende dette til å skildre og analysera dei geologiske prosessane som har betyding for danning og oppsamling av petroleum,
- Forstå olje- og gass sin plass i noverande og framtidig energiforsyning og vise korleis petroleumsproduksjon kan endrast mot ein meir karbonnøytral energiproduksjon.
- forklare eigenskapane ved porøse medium og dei grunnleggjande petrofysiske omgrepa
- bruke likningar som beskriv fleirfasestrøm generelt i reservoaret og i nærbrønnområdet, trykktesting, materialbalanse, fluideigenskapar og metodar for auka oljeutvinning
- beskrive prinsippa i fluidmekanikk og varmeoverføring, og forklare korleis dei blir bruka til kvantitativ behandling knytt til prosjektering/design av prosessteknisk utstyr
Ferdigheiter:
- bruke bibliotek og vitskapelege databaser til å hente inn relevant informasjon
- arbeide sjølvstendig og kunne delta i team
- bruke laboratorieteknikkar og IT-baserte teknikkar for å tileigne seg og analysere data
- samanfatte analysearbeid i ein skriftleg rapport i tråd med god vitskapelig praksis
Generell kompetanse:
- formidle idear, problem og løysningar både til spesialistar og ikkje-spesialistar ved hjelp av ulike teknikkar som omfattar kvalitativ og kvantitativ informasjon
Følgjande emne er obligatoriske i studieprogrammet:
- MAT111
- Ex.Phil
- PTEK100, GEOV101, MAT131, PTEK211, KJEM110, PHYS111, PHYS112, PTEK202, PTEK212 og KJEM210
- Minst eitt av emna MAT102 eller MAT112
- Minst eitt av emna PTEK203 eller GEOV260
Spesialiseringa i bachelorprogrammet i petroleum- og prosessteknologi er på til saman 120 studiepoeng, som består av følgjande emne: PTEK100, GEOV101, MAT131, PTEK211, KJEM110, PHYS111, PHYS112, PTEK202, PTEK212 og KJEM210 + minst et av emna MAT102 eller MAT112 og PTEK203 eller GEOV260.
The specialization in the study programme in Petroleum and Process Technology involves 120 ECTS, and consists of the following courses:
PTEK100, GEOV101, MAT131, PTEK211, KJEM110, PHYS111, PHYS112, PTEK202, PTEK212 og KJEM210 + at least one of two courses MAT102 or MAT112 and PTEK203 or GEOV260.
Tilrådd studieplan:
6. semester Valemne Valemne PTEK203/GEOV260
5. semester Valemne KJEM210 PTEK202
4. semester Valemne PHYS111 PTEK212
3. semester KJEM110 PHYS112 PTEK211
2. semester MAT131 MAT102/MAT112 GEOV101
1. semester Ex.phil MAT111 PTEK100
Som valemne i bachelorprogrammet i petroleum- og prosessteknologi tilrår ein å velje emne innan realfag som matematikk, fysikk, geologi, kjemi, statistikk og informatikk. I tillegg er mange emne innan petroleumsteknologi og prosessteknologi aktuelle.
Studentane står fritt til å gjere andre val av emne.
Ved UiB er det to typar karakterskalaer: bestått/ikkje bestått og bokstavkarakterar på skalaen A-F.
Karakterskala for kvart emne som inngår i bachelorprogrammet er omtalt i emnebeskrivinga.
For å løyse dei utfordringane som olje- og gassindustrien kjem til å støyte på i åra framover trengs ny kompetanse. Ei forskingsbasert og tverrfagleg utdanning med internasjonal profil vil gi deg den rette faglege bakgrunnen for dette. Utdanninga kvalifiserer deg til eit vidt spekter av stillingar i oljeselskap og serviceselskap. Dette gjeld innanfor leiting og produksjon av olje og gass, og innan vidareforedlinga av petroleumsprodukta. I tillegg finst det jobbar innan kjemisk, metallurgisk og mekanisk prosessindustri. Dessutan vil styresmaktene ha behov for kvalifisert personell til å styre og evaluere oljeaktiviteten.
Med ein bachelorgrad i petroleum- og prosessteknologi har du også eit godt grunnlag for å gå vidare på masterstudium anten i petroleumsteknologi eller prosessteknologi.
Institutt for fysikk og teknologi har ansvar for studieprogrammet. Ta gjerne kontakt med studierettleiar på programmet dersom du har spørsmål: studie.ptek@uib.no
Tlf 55 58 28 64.
Ta gjerne kontakt med studierettleiar på programmet dersom du har spørsmål:
Tlf 55 58 28 64
Programmet kombinerer dei klassiske realfaga fysikk, matematikk og kjemi med geologi for å gi eit solid fagleg fundament for arbeid i olje- og gassindustrien. I starten av studiet blir det lagt stor vekt på å gi deg eit godt grunnlag i dei basisfaga som er nødvendige for å gi ei djupare forståing for dei fysiske og kjemiske prosessane som er knytte til olje- og gassutvinning. Etter det 3. semesteret vel du om du vil spesialisere deg mot petroleumsteknologi eller prosessteknologi. Det er også lagt opp til at ein kan ta ein kombinert bachelorgrad, med spesialisering i begge fagfelta. Fagfeltet petroleumsteknologi er særlig retta mot reservoarskildring og modellering av strøyming i porøse media i undergrunnen, mens fagfeltet prosessteknologi konsentrerer seg om transport og vidareforedling av olja og gassen etter at råvarene har kome til overflata.
Studieprogrammet skal utnytte forsking og ekspertise i fysikk, matematikk, kjemi, og geologi til å utdanne kandidatar med teknologisk kompetanse innanfor petroleum- og prosessteknologi, og danne grunnlag for vidare spesialisering (mastergrad).
I byrjinga av studiet blir det lagt stor vekt på å gi deg eit godt grunnlag i nokre viktige «verktøyfag» innanfor matematikk, generell og fysikalsk kjemi og mekanikk, slik at du får eit godt fundament for fordjupinga seinare i bachelorprogrammet. I siste halvdelen av studiet kan du velje om du fordjupe deg i petroleumsteknologi eller prosessteknologi. Du kan også velje å ta begge spesialiseringane, slik at du oppnår ein kombinert bachelorgrad.
Bachelorprogrammet i petroleum- og prosessteknologi vil da sjå slik ut:
Prosessteknologi
6. semester
Masseoverføring og faselikevekter
Val
Val / Numeriske metodar for prosessteknologi
5. semester
Fluidmekanikk og varmeoverføring
Kjemisk termodynamikk
Val / Reknealgoritmar 1
4. semester
Gr. målevitskap og eksperimentalfysikk
Kjemi og energi
Val
Petroleumsteknologi
6. semester
Petroleumsgeologi
Reservoarteknikk I
Val /
Gr. målevitskap og eksperimentalfysikk
5. semester
Grunnleggjande reservoarfysikk
Kjemisk termodynamikk
Val
4. semester
Innføring i geologi
Elektromagnetisme og optikk
Kjemi og energi
Du vel fordjuping i eit av dei to alternativa ovanfor
Grunnleggjande del
3. semester
Mekanikk
Val / Kjemi i naturen
Val
2. semester
Lineær algebra
Grunnkurs i matematikk II
Val / Differensial-likningar
1. semester
Ex.phil.
Grunnkurs i matematikk I
Innføring i prosess- og petroleums-teknologi
Dersom for mange vel same fordjuping etter det 3. semesteret vil programstyret fordele studentane ut frå karakterane i dei obligatoriske emna dei tre første semestra. Som valemne vil dei fleste ha nytte av noko statistikk og informatikk. Elles vel du emne etter kva retning du ønskjer å spesialisere deg i, så vi vil rå deg til å bruke dei første semestra til å orientere deg i fagtilbodet, sikte deg inn på ei spesialisering og eventuelt ein mastergrad.
Krav til bachelorgraden i Petroleum- og prosessteknologi er ei spesialisering på til saman 90 eller 110 studiepoeng avhengig av om studentane vel ei fordjuping i prosessteknologi eller petroleumsteknologi.
For dei som vel ei fordjuping i petroleumsteknologi inneheld spesialiseringa emna: PTEK100, MAT112, MAT121, KJEM110, KJEM210, PHYS111, PHYS112, GEOL101, GEOL260, PTEK211 og PTEK212.
For dei som vel ei fordjuping i prosessteknologi inneheld spesialiseringa emna: PTEK100, MAT112, MAT121, KJEM110, KJEM210, PHYS111, PHYS114, PTEK202 og PTEK203.
Studentar utan 2KJ tar KJEM100 før KJEM110. MAT101 eller MAT111 er obligatorisk. MAT111 vert tilrådd alle, studentar med svak matematikkbakgrunn frå vidaregåande skole vert tilrådd å ta begge emna (gir til saman 15 SP).
Generelle valemne som er nyttige i begge spesialiseringane er: MAT131, MAT160, MAT212, STAT110, STAT200, INF109, og PHYS113. Elles bør valemne velgast i forhold til planlagt fordjuping og eventuell masterstudium. Tilrådde valemne innan petroleumsteknologi er: PTE214, PTEK218, PHYS114, MAT236, MAT252, MAT254, KJEM202, KJEM203, GEOF161, GEOF296, GEOL103, GEOL104 og GEOL107. Ved å ta emna GEOL104 og GEOL107 kan du kvalifisera deg til å ta eit masterprogram i geologi. For prosessteknologi er tilrådde valemne: PHYS112, MNF170, PTEK205, PTEK226, PTEK231, PTEK251, KJEM130 og KJEM220.
Petroleumsrelatert industri vil i åra framover trenge ein ny type kompetanse som reflekterer både samfunnsutviklinga og dei problemkompleksa som industrien strevar med. Det vil bli lagt stadig større vekt på å utvikle ein tverrfagleg, interaktiv og ikkje minst internasjonal profil.
Forskingsbasert og tverrfagleg utdanning er det som trengst for å gi den rette faglege bakgrunnen for å løyse dei utfordringane som petroleumsnæringa kjem til å støyte på. Alderssamansetjinga innanfor den internasjonal petroleumsindustrien er også eit teikn på at det er sterkt behov for nyrekruttering. Utdanninga kvalifiserer deg til eit vidt spekter av stillingar i oljeselskap og serviceselskap i oljenæringa, innanfor både leiting og produksjon av olje og gass, og innanfor vidareforedlinga av petroleumsprodukta i prosessindustrien. I tillegg til olje- og gassindustrien finst det også jobbar innan kjemisk, metallurgisk og mekanisk prosessindustri. Dessutan vil det vere eit behov for kvalifisert personell hjå styresmaktene til å styre og evaluere oljeaktiviteten.
Dersom du ønskjer eit utanlandsopphald under bachelorstudiet, kan du ta kontakt med studierettleiar eller fagleg rettleiar. Det finst i dag konkrete avtaler med University of Alberta (Canada), University of Edinburgh (Skottland) og University of Western Australia. Det er også mogleg å få eit opphald ved UNIS, der det er tilbod om fleire emne innanfor arktisk geofysikk, geologi, biologi og teknologi. Dersom du tek valemna dine på UNIS, vil du få ein del kunnskap om korleis det er å drive oljeverksemd i kalde område. Det passer best å ta utanlandsopphald i det 5. eller 6. semesteret.
Institutt for fysikk og teknologi har ansvar for studieprogrammet. Ta gjerne kontakt med studierettleiar på programmet dersom du har spørsmål: Studierettleiar.ppt@ift.uib.no.