Emner: AORG321A Kvantitativ metode - Vår 2021
Studiepoeng
10.0Undervisningsspråk
Norsk/engelsk
Undervisningssemester
Vår
Mål og innhald
Føremålet med kurset er å setje studentane grundig inn i nokre av dei nyare og viktigaste kvantitative metodane innanfor statsvitskap/offentleg administrasjon. Kurset skal setje studentane i stand til å gjennomføre eigne empiriske undersøkingar og å ta sjølvstendige og godt motiverte metodeval når dei tek fatt på masteroppgåva. I tillegg skal kurset gi studentane høve til å tolke og drøfte kritisk andre empiriske forskingsbidrag som dei møter i samband med til dømes utarbeiding av litteraturstudiar. I kurset vil det bli undervist i ulike metodar som vil være nyttige i studiet av organisasjonar og offentlig forvaltning, mellom anna eksperimentelle metodar, og ulike formar for statistisk analyse, som lineær regresjon, logistisk regresjon og fleirnåvåanalyse. I tillegg vil studentane få ei innføring i kvantitativ tekstanalyse og nettverksanalyse. Kurset vil bli basert på statistikkpakka Stata. Endeleg er det eit mål å vise studentane korleis metodologiske val heng saman med ulike vitskapsteoretiske tradisjonar.
Kurset har følgjande komponentar:
- Vitskapsteori og grunnleggjande omgrepsanalyse
- Eksperimentell metode
- Ordinær lineær regresjon
- Logistisk regresjon
- Slutningsstatistikk og signifikanstesting
- Kvantitativ tekstanalyse
- Nettverksanalyse
Læringsutbyte
Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:
Kunnskaper
- Gjere greie for dei nyare og viktigaste kvantitative metodane innanfor statsvitskap/offentleg administrasjon
- Forklare logikken i ulike eksperimentelle metodar og skilnadene mellom dei
- Forklare ulike statistiske metodar
Ferdigheter
- Anvende ulike metodar til å analysere ei problemstilling
- Argumentere for val av undersøkingsmetode
- Argumentere for val av statistisk analysemetode
- Anvende Stata i tilrettelegging og analyse av data
Generell kompetanse
- Gjere grunngjevne val av metodisk tilnærming
- Argumentere for sterke og svake sider ved ei metodetilnærming
- Vurdere kritisk rekkevidda til forskingsresultat
Tilrådde forkunnskapar
AORG101, AORG104, AORG103 / AORG105 / AORG107 / AORG109, AORG209 / AORG210
Studiepoengsreduksjon
Fullstendig overlap og total poengreduksjon med AORG321B, AORG319 og AORG321.
Krav til studierett
Emnet er for studentar som er tatt opp til masterprogrammet i administrasjon og organisasjonsvitskap.
Arbeids- og undervisningsformer
8-9 forelesningar. I tillegg 1-2 seminar der studentane er pliktige til minst ein gong å presentere utkast og kommentere andre studentar sine framlegg.
Obligatorisk undervisningsaktivitet
Presentasjon av kortare essay (1200 ord om ein skriv åleine og 1800 ord om ein skriv i par) om eit pensumrelatert tema. I tillegg skal kvar student minst ein gong kommentera eit skriftleg/munnleg bidrag frå ein annan student.
Arbeidskravet må vere godkjent for å kunne ta eksamen. Godkjente obligatoriske arbeidskrav er gyldig i det aktuelle eksamenssemesteret samt dei to påfølgande eksamenssemestra.
Vurderingsformer
Fem timers skoleeksamen.
Oppdatering: Vurderingsform er endra frå 5 timar skuleeksamen til 10 timars heimeeksamen hausten 2020 som del av tiltak for å hindre spreiing av koronaviruset.
Karakterskala
Bokstavkarakterar A-F
Vurderingssemester
Eksamen vert tilbydd i undervisningssemesteret. For studentar med https://www.uib.no/student/116194/syk-p%C3%A5-eksamenrett til ny vurdering eller som stryk på eksamen i undervisningssemesteret vil det vere mogleg å ta ny eksamen i påfølgande semester.
Emneevaluering
Alle emne blir evaluert i tråd med UiBs kvalitetssystem for utdanning.
Administrativt ansvarleg
Det samfunnsvitskaplege fakultet ved Institutt for administrasjon og organisasjonsvitskap har det administrative ansvaret for emnet.
Kontaktinformasjon
Studierettleiar@aorg.uib.no
Tlf 55 58 21 54