Emnet tek sikte på å øve studentane med å arbeida med arkeologiske problemstillingar med integrert bruk av teori og metode.

Sjå temaomtale her:

https://www.uib.no/fag/arkeologi/118124/temaomtale-ark250

Ved fullført studium har studenten oppnådd følgjande:

Kunnskap
Kjennskap til og innsikt i eit avgrensa emne innan arkeologifaget, og røynsle med å arbeide sjølvstendig ut frå arkeologiske problemstillingar.

Ferdigheiter
Røynsle i å arbeide sjølvstendig med arkeologiske problemstillingar: formulere problem, avgrense stoff, finne fram relevant litteratur og diskutere og vurdere litteratur i høve til oppsette problemstillingar og relevante metodiske og teoretiske perspektiv.

Generell kompetanse
Røynsle med å arbeide sjølvstendig med akademiske tekstar.

Studentane skal skriva ei semesteroppgåve på om lag 15 sider, 6000 ord, med individuell rettleiing. Tema for oppgåva blir valt av studenten i samråd med rettleiar, og kan vere ein studie av ein periode eller eit område, eventuelt begge delar. Tema kan også gå på tvers av periodar eller område. Eksamen består av vurdering av den skriftlege oppgåva.

Obligatoriske aktivitetar må vere gjennomførde for å gå opp til eksamen. Det vert avvikla eksamen kvart semester.