Målet er å gje studenten innsikt og trening i bruk av historieteori, historiske metodar og historiske kjelder. Emnet vil gje studenten reiskap til å arbeide sjølvstendig og kritisk med historisk litteratur og kjelder og forstå ulike sjangrar og dei spesielle problema som knyter seg til desse.

Gjennom skriving av tre oppgåver lærer studenten å drøfte teoretiske og metodiske problem og sjølv å vurdere og anvende historiske kjelder.

Emnet er obligatorisk i ei ordinær historiespesialisering.

http://www.uib.no/fag/historie/73558/temaomtalar-historieTrykk her for meir informasjon om det tematiske innhaldet i emnet

 http://www.uib.no/fag/historie/73558/temaomtalar-historie

Studenten skal ved avslutta emne ha følgjande læringsutbytte definert i kunnskap, ferdigheiter og generell kompetanse:

Kunnskap

Studenten

• har kjennskap til kva plass teoriar har i historieforskinga, til ulike metodar, og til dei grunnleggande prinsippa for historisk kjeldekritikk
• er kjent med eit bredt utval av skriftlege kjelder frå fleire historiske periodar, og dei spesielle problema som er knytte til desse.

Ferdigheiter

Studenten

• demonstrerer teoretiske og metodiske ferdigheiter og evne til å bruke kjeldemateriale på ein både kritisk og konstruktiv måte for å svare på historiske problemstillingar

Generell kompetanse

Studenten

• kan nytta kjeldekritikk overalt i samfunnet der verdien av informasjon og representativitet i ei informasjonsmengd skal vurderast.
• har kjennskap til ulike metodar for å løyse problem og etablere ny kunnskap
• har ei systematisk trening på desse felta som vil kunne nyttast også utanfor historiestudiet.

• 2 oppgåver

Det er obligatorisk å levera inn to oppgåver for rettleiing. Oppgåvene skal være fullstendige, ikkje skisser.

• Mappevurdering

Mappa består av:
- to rettleidde oppgåver og
- ei ikkje-rettleidd oppgåve

Studenten skal skrive tre oppgåver, kvar på 1000-2000 ord. Oppgåvene skal leverast til fastsette fristar- dei to første i løpet av semesteret, den tredje ved semesterslutt.

Dei to første oppgåvene skal leverast for kommentar før endeleg levering. Til den første oppgåva får studantene ei felles tilbakemelding, til den andre oppgåva får studentane individuell tilbakemelding.

Den tredje oppgåva får ikkje tilbakemelding.

Det blir gitt ein samla karakter, der oppgåvene vert vekta likt. Alle oppgåvene må vere leverte og beståtte i eitt og same undervisningssemester.

Litteraturlista vil vere klar innan 01.06. for haustsemesteret og 01.12. for vårsemesteret.

Instituttet utarbeider litteraturliste for emnet på om lag 1000 sider. I tillegg kjem tekstar leverte ut i tilknyting til dei enkelte oppgåvene, maksimalt 200 sider.

Studierettleiar kan kontaktast her:mailto:studierettleiar@ahkr.uib.nomailto:studierettleiar@ahkr.uib.no

mailto:studierettleiar@ahkr.uib.nostudierettleiar@ahkr.uib.no

Tlf 555 82300