Emnet skal gi det teoretiske grunnlaget for deltaking i arbeid med informasjonssystem, enten det gjeld administrering, utgreiing- eller vurderingsarbeid eller planlegging og gjennomføring av prosjekt.

Emnet presenterer ulike typar informasjonssystem på individuelt, gruppe og organisatorisk nivå og diskuterer korleis dei på ulike måtar støttar moderne verksemder. Sentrale forhold knytt til administrering, utvikling, anskaffing, innføring, drift og vidareutvikling av informasjonssystem blir presentert og drøfta, saman med forhold knytt til tryggleik, personvern og etikk. Eit praktisk prosjekt blir gjennomført som ein obligatorisk emneoppgåve.

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskap

Kandidaten

• har grunnleggjande forståing av rolla til informasjonssystem i organisasjonar og
• samfunn.
• har kjennskap til føremål med og arkitekturar for informasjonssystem.
• har kjennskap til tryggleik, personvern og etikk i knytt til informasjonssystem.
• har kjennskap til utvikling av informasjonssystem.

Ferdigheit

Kandidaten kan

• diskutere informasjonssystem frå eit strategisk, brukar- og prosessperspektiv.
• forklare forskjellar mellom ulike måtar å utvikle informasjonssystem på.

Obligatorisk deltaking: Obligatorisk oppmøte på seminargrupper (minst 75%).

Godkjende obligatoriske undervisingsaktivitetar er gyldige i to semester etter godkjenninga.

Oppdatert: Pga. koronasituasjonen vil kravet om oppmøte til seminara ikkje være obligatorisk vårsemesteret 2021. Vi oppmodar likevel studentane til å følgje undervisninga i størst mogleg grad.

• 3 timar skriftleg eksamen (60%).
• Mappevurdering (40%): Individuell(e) og/eller gruppeoppgåve(r)