Vår
Emnet har som mål å fremje ei djupare forståing av det italienske språksystemet og av språkleg variasjon i Italia.
Emnet omfattar studium av sentrale grammatiske problem og gjev ei innføring i problem knytte til grenseflata mellom standardspråket og variantar som ligg i utkanten av standardspråket. Teoretiske og metodiske aspekt ved språkskildringa inngår i den litteraturen som ligg til grunn for emnet.
Studenten skal ved avslutta emne ha følgjande læringsutbytte definert i kunnskap, dugleik og generell kompetanse:
Kunnskap
Dei studentane som har gjennomført emnet,
¿ kjenner godt språksystemet i standarditaliensk
¿ har kunnskap om teori og metodar som ligg til grunn for språkskildringa
¿ har kunnskap om sentrale problem i italiensk variasjonslingvistikk.
Dugleik
Dei studentane som har gjennomført emnet,
¿ kan bruke dei tileigna omgrepa i sjølvstendige analysar av italiensk tekst og tale
¿ kan drøfte, skriftleg og munnleg, problemstillingar knytte til pensum
¿ kan formidle kunnskapar innanfor eige fagområde på munnleg og skriftleg italiensk.
Generell kompetanse
Dei studentane som har gjennomført emnet,
¿ kan planleggje og gjennomføre arbeidsoppgåver som strekkjer seg over ei viss tid
¿ kan formidle sentralt fagstoff både skriftleg og munnleg
¿ kan arbeide sjølvstendig med ei problemstilling som krev teoretisk innsikt
¿ kan kommunisere på italiensk på eit relativt høgt nivå.
I løpet av semesteret skal studenten halde eit munnleg innlegg knytt til pensum på omlag 15 minutt. Innlegget blir vurdert til godkjent/ikkje godkjent.
Våren 2021 blir den munnlege presentasjonen gjennomført på campus som normalt. Studentar som er i ei risikogruppe, eller av andre koronarelaterte grunnar ikkje kan møte på campus, kan kontakte emneansvarleg.
Godkjenninga av det obligatoriske arbeidskravet er berre gyldig i det semesteret det blir gjennomført og i semesteret etter.
Våren 2021 er vurderingsforma endra frå skriftleg skoleeksamen i sal til fire timars skriftleg eksamen heimefrå + éin time teknisk tid, som tiltak mot spreiing av koronavirus.
Prøva skal skrivast på italiensk.