Fagleg innhald
Museologi tematiserer musea si kulturelle rolle i samfunnet som eit felt for produksjon av førestillingar om fortid og samfunn. Emnet tematiserer kva som kjenneteiknar eit museum og kva som ligg i dei ulike museumsfunksjonane, med særleg vekt på innsamling og utstilling. Etablering av museumssamlingar blir sett som kulturelle prosessar der "vanlege ting"blir transformerte til "kulturarv". Kulturhistoriske og kulturanalytiske perspektiv blir vektlagt.

Læringsmål
Emnet skal gje føresetnader for å forstå musea sin funksjon og verkemåte og den rolla dei spelar i samfunnet.

Studenten skal ved avslutta emne ha følgjande læringsutbytte definert i kunnskap, ferdigheiter og generell kompetanse:

Kunnskap
Studenten

• har kunnskap om museumsfeltet og dei sentrale oppgåvene til musea.
• kjenner til relevant faglitteratur og kan gjera greie for teoretiske perspektiv som er relevante for feltet.

Ferdigheiter
Studenten

• kan med utgangspunkt i faglitteratur drøfta spørsmål med relevans for museumsarbeid.
• kan reflektere kritisk over musea si rolle og funksjon gjennom bruk av historiske og analytiske perspektiv.
  

Generell kompetanse
Studenten

• kan orientere seg seg i forskingslitteratur og å nytta den i analytiske framstillingar.
• kan kommunisere om faglege tema med andre med bakgrunn innafor same fagområdet.

Eksamen er ein 3-dagars heimeeksamen med ei justerande munnleg prøve. Det skriftlege eksamensarbeidet skal vera på om lag 2000 ord.

Våren 2021 er vurderingsforma på KUVI108 endra til 6 dagars heimeeksamen utan justerande munnleg eksamen. Endringa er eit tiltak for å hindre spreiing av koronavirus.