Studenten skal ved avslutta emne ha følgjande læringsutbytte definert i kunnskap, ferdigheiter og generell kompetanse:

Kunnskap

Studenten

• har kunnskapar om metode og om korleis eit forskingsarbeid kan gjennomførast.
• har kunnskapar om sentrale teoriar og forsking innan den sjølvvalde tematikken til bacheloroppgåva.

Ferdigheiter

Studenten

• kan utvikle, avgrense og formulere fruktbare kulturvitskaplege problemstillingar innan temaet.
• har ferdigheiter i å kartlegge kva forskingslitteratur og empiri som er relevant for problemstillinga.
• har ferdigheiter i metode, analysere forskingslitteratur/empiri, gjengi og vere i dialog med forskingslitteraturen og kan trekke eigne konklusjonar på grunnlag av dette, formidla i skriftleg arbeid.

Generell kompetanse

Studenten

• har grunnleggande kompetanse i å utvikle og gjennomføre eit lengre sjølvstendig skriftleg arbeid.
• kan resonnere, syntetisere og dokumentere eit fagleg akademisk arbeid.

Undervisninga skjer gjennom førelesingar, seminarverksemd/ grupperettleiing og individuell rettleiing. Studentane sitt arbeid med emnet er konsentrert om utarbeiding av bacheloroppgåva.

Undervisninga vil fokusere på oppgåveskriving, metode og kulturvitskapleg analyse. Studentane får tildelt rettleiar.

Det er obligatorisk å delta på seminar, levere inn tekstar og å kommentere tekstane til dei andre studentane som deltar på emnet. Det er også obligatorisk å delta på undervisninga som går føre seg på Universitets biblioteket. Vidare er det obligatorisk å møte til to individuelle rettleiingar.

Emneansvarleg skal godkjenne pensumlista.

Studenten må få godkjent aktivitetane for å kunne gå opp til eksamen.

Rettleidd oppgåve (bacheloroppgåve) med justerande munnleg eksamen.

Bacheloroppgåva skal ha eit omfang på om lag 5000 ord.

Våren 2021 vil vurderingsforma på KUVI250 vere bacheloropppgåve utan justerande munnleg. Endringa er eit tiltak for å hindre spreiing av koronavirus.