Emnet tek føre seg det formelle grunnlaget for beskriving av språk og datamaskinelle metodar for behandling av språk. Målet er å sette studentar i stand til å tenke på ein matematisk presis måte når dei karakteriserer eit språk, og å bruke dataverktøy for å prosessere tekst.

Emnet gjev ei innføring i formelle metodar i lingvistikken. Emnet gjev også ei innføring i digital koding av tekst, i elektroniske språkressursar (spesielt korpus), i språkprosessering og i språkteknologiske bruksområde. Dette emnet eignar seg for studentar i lingvistikk, språkstudier, informatikk, informasjonsvitenskap, kunstig intelligens og kognisjonsvitskap.

Kunnskapar

Kandidaten kan attgje og gjere greie for dei grunnleggjande formelle metodane som vert nytta innanfor forsking og utvikling i syntaks, semantikk og språkprosessering, til dømes:

• grafar og trær
• automatar, grammatikkar og klassifiseringa av formelle språk innanfor Chomskyhierarkiet
• algoritmar og kompleksitet

Ferdigheiter

Kandidaten kan...

• gjennomføre viktige resonnement om automatar, grammatikkar og formelle språk, og t.d. nytte pumpelemma
• skrive enkle korrekte program for behandling av språklege data (tekst)
• skrive regulære uttrykk for søk og erstatning i tekst
• ekstrahere informasjon frå tekst på verdsveven

Generell kompetanse

Kandidaten kan...

• bruke induksjon som bevismetode
• bruke korrekte matematiske formuleringar
• bruke tekstkorpus som empirisk materiale
• vurdere tekst på verdsveven som datamateriale.

Forelesingar (omkring 26 timar pr semester), sjølvstudium og øving.

Om det melder seg færre enn fem studentar til eit emne kan instituttet innføre redusert undervisning, jamfør instituttet sine retningsliner for dette på Mitt UiB. På emne der dette kan verte aktuelt vil studentane få informasjon om dette ved semesterstart, og før fristen for semesterregistrering 1. februar / 1. september.