Bachelor
Undervisninga startar i haustsemesteret og går over to semester.
Ole Bull Akademiet, Voss
Mål:
Emnet har som mål å gje studenten eit detaljert overblikk over omgrep, historie og sjanger innan tradisjonsmusikk, og å gje studenten godt grunnlag for å bruke analyseteknikkar og notasjon i arbeidet med folkemusikkmateriale.
Innhald:
Emnet omfattar:
- Generell musikklære
- Folkemusikkretta notelære og høyrelære
- Transkripsjon og analyse av folkemusikkmateriale
Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:
Kunnskapar
Studenten ..
* viser god forståing av grunnleggjande musikkteoretiske og musikkhistoriske omgrep og kan knyte desse omgrepa til konkret musikkoppleving
* har god kunnskap om stiltrekk i tradisjonsmusikken. Vokalstudentar har kunnskap om sjangeranalyse og tekstforståing.
Ferdigheiter
Studenten ..
* kan bruke analyseteknikkar retta mot rytmikk, tonalitet, form og variasjonsproblematikk, og kan gjere enkle transkripsjonar av folkemusikkmateriale
Generell kompetanse
Studenten ..
* kan produsere enkel musikalsk notasjon og bruke slik notasjon i analytisk arbeid
Greidd eksamen i emnet MOB106 Musikkteori folkemusikk 1.
Grunna koronasituasjonen har Instituttrådet ved Griegakademiet - Institutt for musikk vedteke midlertidige endringar i obligatorisk undervisningsaktivitet for vårsemesteret 2021.
Krav om frammøte som obligatorisk arbeidskrav fråfell. Det er likevel forventa at studentane stiller til undervisning, fysisk eller digitalt.
Dersom studenten ikkje kan delta i undervisning kan arbeidskrava erstattes med heimeoppgåver.
--
Under normale høve gjeld desse krava:
All undervisning er obligatorisk. Fråvær på meir enn 20% fører til tap av eksamensrett. Det er ein føresetnad at alle obligatoriske arbeidskrav er gjennomført og godkjende før eksamen.
Godkjende obligatorisk arbeidskrav er gyldige i to semester etter gjennomføring.
Grunna koronasituasjonen har Instituttrådet ved Griegakademiet - Institutt for musikk vedteke midlertidige endringar i vurderingsform for vårsemesteret 2021.
Det planleggast for gjennomføring av munnleg/praktisk prøve med gjeldande avgrensingar i antall medverkande og publikum. Ved Covid-19 relaterte årsaker vil eksamen gjennomføres digitalt.
Skuleeksamen gjennomføres som heimeeksamen på fem timar.
--
Under normale høve gjeld desse vurderingsformene:
Vurderinga omfattar to delar som vert vekta likt:
- Munnleg/praktisk prøve i høyrelære.
- fem timar skuleeksamen i musikklære, transkripsjon og analyse.
Intern sensur med minst to sensorar.
Studierettleiar kan kontaktast her:
studieveileder@kmd.uib.no
Tlf 55 58 69 50
Ole Bull Akademiet kan kontaktast her:
oba@olebull.no
Tlf 56 51 65 00