Bachelor

Norsk

Undervisninga startar i haustsemesteret og går over to semester.

Ole Bull Akademiet, Voss. Høve til noko undervisning hjå felemakarar andre stader.

Mål:

Emnet har som mål å gi studenten innsikt i alle sider av tradisjonell hardingfeledekor og utvikle kreative evner som kan gi personleg særpreg i framtidig felemakararbeid.

Innhald:

Emnet omfattar:

- Dekor: Hovud (formgjeving/utskjering), innlegg av perlemor/bein, roseteikning ¿ ulike mønstertradisjonar

- To- og tredimensjonal forming, ornamentikk: Kopiering, frie oppgåver i ulike material. Geometrisk/organisk, symmetrisk/asymmetrisk ornamentikk.

- Teknikkar: Bruk av skjereverktøy, penn/pensel, fargeteknikkar, forgylling.

- Stilartar i treskjering og folkekunst: Karveskurd, akantus, rosemåling, drakestil.

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskapar

Studenten ..

* har god kunnskap om material- og verktøybruk som er relevant for hardingfeledekor, og om bruk av dekor både i hardingfeletradisjonen, annan folkekunst og meir generelt.

Ferdigheiter

Studenten ..

* kan utføre ein fullstendig, tradisjonell hardingfeledekor med godt resultat og kan kopiere nokre mønster innanfor tradisjonell hardingfeledekor.

Generell kompetanse

Studenten ..

* viser evne til å arbeide sjølvstendig med bakgrunn i ein tradisjon.

Emnet er eit tilbod til studentar som tek fordjuping i hardingfelebygging som del av studiet. For slike studentar utgjer emnet, saman med MOB231 Folkemusikkutøving 4 og MOB210 Hardingfelebygging 3, heile fjerdeårsstudiet.

Emnet er normalt eit tilbod til studentar som har gjennomført 3. studieår av bachelorstudiet i tradisjonsmusikk ved Ole Bull Akademiet, med fordjuping i felebygging som inkluderer emna MOB208 Hardingfelebygging 2 og MOB209 Hardingfeledekor 1.

All undervisning er obligatorisk. Fråvær på meir enn 20% fører til tap av eksamensrett. Det er ein føresetnad at alle obligatoriske arbeidskrav er gjennomført og godkjende før eksamen.

Godkjende obligatorisk arbeidskrav er gyldige i to semester etter gjennomføring.

Det skal utførast ein full hardingfeledekor: skjering av hovud, innlegg av perlemor/bein, og rosing. Dekoren skal vere utført på hardingfela som blir levert som eksamensarbeid i MOB210 Hardingfelebygging 3.

Intern sensur med minst to sensorar.

Evaluering blir gjennomført i tråd med Universitetet i Bergen sitt kvalitetssikringssystem.

Studierettleiar kan kontaktast her:

studieveileder@kmd.uib.no

Tlf 55 58 69 50

Ole Bull Akademiet kan kontaktast her:

oba@olebull.no

Tlf 56 51 65 00