Bachelor

Mål: Emnet byggjer på MUG107 Musikkteori I, men med større vektlegging av lærestoff og aktivitetar tilpassa den enkelte studenten sine interesser.

Innhald: Emnet består av ulike modular.

Studenten vel tre modular: enten Sonatesatsform eller Musikalsk analyse, i tillegg til to valfrie modular.

- Sonatesatsform

Modulen fokuserer påanalyse av wienerklassiske sonatesatsar med utgangspunkt i William E. Caplins teori. Rettleia semesteroppgåve: Analyse av ei sonatesatsform. Semesteroppgåve skal innleverast ved avslutning av modulen.

- Musikalsk analyse

Modulen består av ein kort introduksjon til fagfeltet musikalsk analyse. Blant emna som vert behandla er beskriving, segmentanalyse, linjeføringsanalyse og forholdet mellom tekst og musikk. Analyse av ein sjølvvald sats. Semesteroppgåve skal innleverast ved avslutning av modulen.

Valbare modular (med atterhald om igangsetting og kapasitet):

- Romantisk harmonikk

Modulen fokuserer på det harmoniske språket i den romantiske perioden (1820-1900). Studentane får eit verkpensum. Etter fullført modul skal studentane kunne gjere greie for harmonikken sin utvikling i perioden. Studenten leverer inn minimum fire oppgåver i løpet av modulen.

- Kontrapunkt

Modulen tar sikte på å gi ein introduksjon til kontrapunkt frå det 16. og 17. hundreåret. Studenten får ei forståing av kontrapunktteknikkar gjennom analyse, skriftlege og praktiske øvingar av musikkeksempel frå denne perioden. Etter å ha fullført modulen skal studenten kunne analysere ein fleirstemmig kontrapunktsats frå det 16. eller 17. hundreåret, og kunne skrive 2-stemte kontrapunktsatsar. Studenten leverer inn minimum fire oppgåver i løpet av modulen.

- Improvisasjon

Modulen søker å avspegle musikken sine mange uttrykksmidel på tvers av genregrenser. Etter å ha fullført modulen skal studenten ha ei musikalsk oppfatning og uttrykksevne fundert i improvisatorisk arbeid med grunnelementa melodi, rytme, klang, harmonikk og form. Studenten skal ha minimum to framføringar i gruppa. Munnleg prøve i avslutninga av modulen.

- Bruksarrangering

Modulen er eit innføringskurs i musikalsk arrangering innanfor ulike stilarter. Etter å ha fullført modulen skal studenten ha utvikla basisferdigheiter i arrangering av songar, viser og enkle satsar for mindre instrumentale og vokale besetningar. Kurset omfattar ei grunnleggjande innføring i dei ulike instrumenta si eigenart, funksjon, notasjon og omfang. Studenten leverer inn minimum fire skriftlege øvingar i løpet av modulen.

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskapar

Studenten ..

* kan identifisere grunnelementa melodi, rytme, klang, harmonikk og form i utvalde musikkverk

* kan dokumentere kunnskap om musikalsk struktur i valde modular

Ferdigheiter

Studenten ..

* har medvit om og praktiske ferdigheiter knytte til lytting, notasjon og formidling innanfor eit breitt spekter av musikalske stiluttrykk

Generell kompetanse

Studenten ..

* kan anvende og dokumentere relevant musikkteoretisk kunnskap

Grunna koronasituasjonen har Instituttrådet ved Griegakademiet - Institutt for musikk vedteke midlertidige endringar i obligatorisk undervisningsaktivitet for vårsemesteret 2021.

Krav om frammøte som obligatorisk arbeidskrav fråfell. Det er likevel forventa at studentane stiller til undervisning, fysisk eller digitalt.

Dersom studenten ikkje kan delta i undervisning kan arbeidskrava erstattes med heimeoppgåver.

--

Under normale høve gjeld desse krava:

Delta på førelesingar og gruppeundervisning i tre valde modular. Fråvær på meir enn 20 % fører til tap av eksamensrett.

Det er ein føresetnad at alle obligatoriske arbeidskrav på kvar valde modul er gjennomført og godkjent.

I emnet nyttar ein følgjande vurderingsformer:

Sonatesatsform: Rettleia semesteroppgåve.

Musikalsk analyse: Rettleia semesteroppgåve.

Romantisk harmonikk: Fire oppgåver.

Kontrapunkt: Fire skriftlege øvingar.

Improvisasjon: To framføringar i gruppa, munnleg prøve.

Bruksarrangering: Fire skriftlege øvingar.

Intern sensur med minst to sensorar.

Studierettleiar kan kontaktast her:

studieveileder@kmd.uib.no

Tlf 55 58 69 50