Emnet gjev ei innføring i musikalsk samspel, med vekt på samspelsformer som kan fungere sosialt i brukssituasjonar som er aktuelle i musikkterapien. Det er tre hovudkomponentar i emnet:
Arrangering og samspel i musikkterapigrupper
Kurset fokuserer på arbeid med samspel i grupper, både for at studentane skal få høve til å bruke eigne instrument og for at dei skal få røynsle med og dugleik i å arrangere for varierte besetningar og sjangrar. Studentane skal utvikle eigen musikalitet og musikkfaglege forståing og lære å arrangere og komponere for brukssituasjonar som kan vere relevante i musikkterapeutisk praksis. Kurset gjev repertoarkunnskap og kompetanse i arrangering og komponering for grupper, med utgangspunkt i aktuelle besetningar i studentgruppa, både konvensjonelle og ukonvensjonelle.
Musikkteknologi og utstyr for musikkterapigrupper
Kurset skal gje studentane ei grunnleggjande innføring i musikkteknologi og utstyr, med vekt på forsterkarutstyr, miksepultar, opptaksutstyr, datateknologi og programvare.
Konsertproduksjon
Kurset skal gje studentane forståing av kva ein konsertproduksjon inneber (førebuing av lyd og lys, opprigg, nedrigg, presse, repertoarliste, osb.).
Ved avslutta emne har studenten følgjande læringsutbyte definert i kunnskapar, dugleikar og generell kompetanse:
Kunnskapar:
Studenten ..
- viser kunnskap om ulike musikk-sjangrar, ulike besetningar, grunnleggjande arrangerings-teknikkar, og om relevant musikk-teknologi
Dugleikar
Studenten ..
- har tileigna seg grunnleggjande dugleik i samspel, arrangering, musikkteknologi, og konsert-produksjon
Generell kompetanse
Studenten ..
- har utvikla ein allsidig samspels-kompetanse og sjangerforståing, slik at dei kan nyttiggjere seg undervisninga på andre musikkrelaterte emne i studiet, delta musikalsk i praksis-undervisninga på studiet og kvalifisere seg til å engasjere menneske i helsefremjande musikalsk praksis.
Fullført og bestått MUTP100
Femårig integrert masterprogram i musikkterapi ved UiB.
Undervisninga blir gitt i form av praktiske øvingar, gruppearbeid og førelesingar. Det er viktig at undervisninga blir sett i samanheng med dei arbeidsmåtar som studentane møter i praksis. Det er forventa at studenten deltar aktivt i undervisninga, gjennom musisering i undervisningstimane og gjennom framlegging og utprøving av eigne arrangement og komposisjonar. Det er vidare forventa at ein kan arbeide med såkalla «rotasjon», der studentane vekslar mellom å spele ulike instrument under utprøving og gjennomspeling av arrangement.
Det blir forventa at studentane sjølve etablerer og driv band og/eller samspelsensemble og at dei opptrer med desse i relevante samanhengar, som t.d. huskonsertar på musikkterapistudiet.
All undervisning er obligatorisk og omfattar fleire komponentar/kurs.
Fråvær på meir enn 20 % i ein eller fleire av komponentane i emnet fører normalt til tap av eksamensrett.
Det er ein føresetnad at alle obligatoriske aktivitetar er gjennomførte og godkjende før eksamen.
Samspelseksamen i form av ein konsert i gruppe på 4-6 studentar, 20 minutt.
a) Saman skal studentane på førehand:
Under konserten skal kvar student:
b) Kvar student legg fram ei kort skriftleg orientering på maksimum 600 ord, med oversyn over dei ulike roller studenten har hatt i dei ulike komponentane i planleggingsprosessen og eksamensprogrammet.
Det blir ei heilskapleg vurdering.
Intern sensur med minst to sensorar.
Greidd/Ikkje greidd
Pensum er på ca. 200 sider. Eiga litteraturliste blir utarbeidd.
Evaluering blir gjennomført i tråd med Universitetet i Bergen sitt kvalitetssikringssystem.
studieveileder@kmd.uib.no
Tlf 55 58 69 50