Emnet er ein introduksjon til klinisk ernæring med fokus på behandling av overvekt og diabetes av både born og vaksne, samt underernæring.

Vidare skal studentane arbeide i ein helseinstitusjon, sjukeavdeling, helsestasjon, prosjekt eller annan stad der det blir drive førebyggande eller kurativt helsearbeid. Dei skal observere korleis arbeidet blir drive, og korleis måla blir nådde. Ernæring skal vere særleg i fokus. Praksisperioden skal fordjupe innhaldet som har blitt tileigna teoretisk.

Det blir venta at studenten etter fullført emne kan:

Kunnskapar:

• evne til å utvikle ernæringsmessige tiltak for behandling av fedme og diabetes
• evne til å diagnostisere underernæring og utvikle ernæringsmessig behandling av denne tilstanden
• beskrive korleis ein helseinstitusjon fungerer og korleis ernæringsarbeid og førebyggande helsearbeid går føre seg i praksis

Ferdigheiter:

• lage ein kosthaldsplan for behandling av overvekt, diabetes og undervekt
• formulere sine observasjonar og refleksjonar i eit skriftleg notat

Kompetanse:

• samarbeide med medstudentar om gjennomføring av gruppearbeid
• vurdere ernæringa si plass i heilskapleg og tverrfagleg helsearbeid