Emnet har som mål å gjere studentane dyktige til aktiv deltaking i profesjonell utvikling. Den profesjonelle læraren deltek aktivt i å utvide profesjonens kunnskapsgrunnlag, og er i stand til å ta i bruk denne kunnskapen i praksishandlingar for å støtte elevane si læring. Det krev kunnskap om læring gjennom samhandling på arbeidsplassen.

I emnet vil studentane få praktisk røynsle med læraren sin profesjonelle utviklingsprosess gjennom bruk av praksisorientert forsking som verkty i systematisk arbeid med eigen yrkesutvikling.

Studenten skal etter å ha fullført PEDA102 ha følgjande samla læringsutbyte definert som kunnskap, ferdigheiter og generell kompetanse:

Kunnskap

Studenten

• har kunnskap om profesjonell utvikling i rolla som lærar
• har kunnskap om forskingsbaserte modellar for profesjonell utvikling
• har kunnskap om samhandling og gruppeprosessar på arbeidsplassen
• har kunnskap om etiske utfordringar som læraren kan møte i skulen

Ferdigheiter

Studenten

• kan dokumentere og gje uttrykk for eigen profesjonelle utvikling og kunne leggje fram og grunngje utviklingsmål med støtte i teori.
• kan identifisere pedagogiske utfordringar i undervisningssituasjonar og lage aksjonsplanar for å møte desse med støtte i teori
• kan gjennomføre eit sjølvstendig forskingsprosjekt knytt til eigen praksis
• kan identifisere og analysere problemstillingar knytt til samhandling og gruppeprosessar på arbeidsplassen.
• kan problematisere og ta stilling til etiske utfordringar som læraren møter i skulen

Generell kompetanse

Studenten

• kan med stor grad av sjølvstende identifisere, problematisere, vidareutvikle og kommunisere kunnskap innanfor eigen organisasjon og profesjon
• kan orientere seg i faglitteratur, analysere og halde seg kritisk til informasjonskjelder og eksisterande teoriar
• kan med stor grad av sjølvstende vidareutvikle eigen kompetanse åleine og i samarbeid med andre

Undervisninga blir organisert i førelesningar og seminar. Studenten har tilbod om inntil 3 timar individuell rettleiing.

Omfang:

Forelesingar: 7 forelesingar à 2 timar

Seminar: 9 seminar à 2 timar, 2 seminar à 4 timar

• Førebudd deltaking på seminar
• Levere ei prosjektbeskriving av eiga aksjonsforsking på ca. 1000 ord
• Munnleg presentasjon av eigen forsking basert på ein poster
• Gje munnleg tilbakemelding på to av medstudentane sine postarar

Obligatorisk aktivitet må være greidd for å kunne gå opp til eksamen.