Studenten skal etter å ha fullført praksis ha følgjande samla læringsutbyte i form av kunnskapar, ferdigheiter og generell kompetanse.

Kunnskapar:

Studenten

• Har kunnskap om vilkår for god læring og klasseleiing.
• Har innsikt i kva faktorar som påverkar utøvinga av lærarrolla.

Ferdigheiter:

studenten

• kan planlegge undervisninga - enkelttimar og lengre periodar - med eiga formulering av læringsmål, metodar i undervisninga og kunne vurdere dette ut frå didaktisk og pedagogisk innsikt.
• kan kommunisere med elevane ut frå nivået deira generelt og fagleg og om læringa deira.

Generell kompetanse:

Studenten

• evnar å ta omsyn til og vise respekt for integriteten til den enkelte elev.
• klarer å samarbeide konstruktivt med rettleiarar, kollegaer og medstudentar om elevane si læring.
• kan utvikle og betre eiga undervisning over tid på bakgrunn av kritisk refleksjon over eigne kunnskapar, eigne erfaringar og innspel frå kollegaer og rettleiarar.

• 30 dagars undervisningspraksis
• Rettleiing
• Deltaking i relevante aktivitetar på skulen og universitetet 

Praksisopplæring ved ein skule i 30 dagar.

Praksisplass blir tildelt og blir gjennomført på ein av UiBs samarbeidsskular. Det er ikkje mogleg å ha praksis på eigen arbeidsplass.

For meir informasjon, sjå retningsliner for praksis.

• 100% obligatorisk deltaking. Sjå arbeids- og undervisningsformer, over. 
• Praksislogg skal vere utfylt med dokumentasjon på at minst 5 av 7 loggaktivitetar er gjennomført i løpet av praksisperioden. 

Praksis.

Undervegsvurderingar vert gjennomført av pedagogar/fagdidaktikarar frå Universitetet i Bergen i samband med praksisbesøk på skulane. Praksisskulane sender forslag til sluttvurdering etter at praksis er gjennomført. Sjå praksisreglement.