Gjennom undervisninga får studenten ei innføring i utvalde modellar innanfor familie-/parterapi og gruppeterapi. Emnet vil også ta føre seg behandling av psykiske vanskar som kan oppstå ved demenstilstandar.

Ein vil gå gjennom sentrale prinsipp for klinisk bruk av rettleia internettbehandling, indikasjonar for, og målsettingar med, denne typen behandling. Studentane skal også gjerast kjende med evidensgrunnlaget for den praktiske arbeidsmetodikken innan internettbehandling.

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskapar

Studenten kjenner til og kan drøfte

• utvalde intervensjonsmetodar i familie-/parterapi og gruppeterapi
• sentrale arbeidsformer i behandling av psykiske vanskar hos eldre personar med demens eller anna aldersrelatert kognitiv svekking
• sentrale prinsipp i klinisk bruk av rettleia internettbehandling og målsettingar med denne type behandling

Ferdigheiter

Studenten kan

• bruke utvalde utvalde terapeutiske intervensjonar i parsamspel og kontekstar der det er fleire klientar til stades samtidig
• formulere ein tilpassa behandlingsplan for eldre personar med demens eller anna aldersrelatert kognitiv svekking

Generell kompetanse:

Studenten kan reflektere over

• etiske implikasjonar ved arbeid etter dei respektive modellane
• etiske aspekt ved arbeid med eldre personar med demens eller anna aldersrelatert kognitiv svekking