Emner: PTEK214 Eksperimentelle metoder i reservoarfysikk - Høst 2021
Undervisningsspråk
Engelsk, norsk om kun norskspråklege deltek.
Undervisningssemester
Vår
Undervisningsstad
Bergen
Mål og innhald
Mål og innhald
Målet med emnet er å kjenne til eksperimentelle metodar innan reservoarfysikk og sjølvstendig kunne utføre eksperiment for måling av fysiske storleikar som er viktige for produksjon av hydrokarbon og lagring av klimagassar. I laboratorieøvingar lærer ein å utføre kjerneanalyse for å måle porøsitet, permeabilitet, fluidfortrenging og -lagring, kapillartrykk, relativ permeabilitet og fuktpreferanse i porøse bergartar.
Læringsutbyte
Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:
Kunnskapar
Studenten
- har kjennskap til ulike eksperimentelle metodar innan reservoarfysikk.
- kjenner til fundamentale eigenskapar ved reservoarbergartar og fluid.
- kan forklare ulike parameterar sin innverknad på strøyming, produksjon og lagring av fluid i porøse bergartar.
Ferdigheiter
Studenten
- kan måle eigenskapane til porøse bergartar relatert til energiproduksjon- og lagring.
- kan utføre eksperiment for å bestemme produksjon og lagringskapasitet i kjerneprøvar.
- tolke eksperiment med fleirfasestraum i porøse bergartar.
- gjennomføre kjerneanalyse på eiga hand.
Generell kompetanse
Studenten
- ivaretar HMS i laboratoriearbeid, og har kompetanse om personleg verneutstyr og handtering av kjemikaliar og utstyr.
- kan handtere og analysere eksperimentelle måledata.
- kan skrive ein vitskapeleg rapport.
Krav til forkunnskapar
Ingen
Tilrådde forkunnskapar
PTEK211
Studiepoengsreduksjon
Ingen
Krav til studierett
For oppstart på emnet er det krav om ein studierett knytt til Det matematisk-naturvitskaplege fakultet, samt at du oppfyller ev opptakskrav
Arbeids- og undervisningsformer
Undervisninga gis i form av forelesingar og laboratorieøvingar.
Forelesingar, 2 timar i veka i 10 veker.
Laboratoriearbeid, 4 timar i veka i 4 veker.
Obligatorisk undervisningsaktivitet
Obligatorisk oppmøte på forelesingar og laboratorieøvingar.
Laboratorierapportar.
Dei obligatoriske aktivitetane er gyldige i 2 påfølgjande semester etter godkjenninga.
Vurderingsformer
I emnet nyttar ein følgjande vurderingsformer:
Laboratorierapportar, 50 % av karakteren
Munnleg eksamen, 50 % av karakteren
Hjelpemiddel til eksamen
Ingen
Karakterskala
Ved sensur av emnet vert karakterskalaen A-F nytta.
Vurderingssemester
Vår
Litteraturliste
Litteraturlista vil være klar 1. desember for vårsemesteret
Emneevaluering
Studentane skal evaluere undervisninga i tråd med UiB og instituttet sitt kvalitetssikringssystem.
Emneansvarleg
EMneansvarleg og administrativ kontaktperson finn du på Mitt UiB, kontakt eventuelt studieveileder.ppt@ift.uib.no
Administrativt ansvarleg
Det matematisk-naturvitskaplege fakultet ved Institutt for fysikk og teknologi har det administrative ansvaret for emnet og studieprogrammet.
Kontaktinformasjon
Studieveileder.ppt@ift.uib.no