Emnet har som mål at studenten skal få kjennskap til systematisk religionsvitskap. Systematisk religionsvitskap drøfter religionshistoriske problemstillingar på tvers av enkeltreligionar. Studenten skal skrive ei samanliknande oppgåve basert på ei problemstilling, som kombinerer teoretiske spørsmål og kjelder (empiri) frå forskjellige religiøse tradisjonar.
RELVI250L er ei obligatorisk del av spesialiseringa i religionsvitskap (Gjelder for studentar som er tatt opp til Lektorutdanninga med religionsvitskap som fag II)
Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:
Kunnskapar
Studenten
- har kjennskap til systematiske forståingar av religion
- har kunnskap om sentrale omgrep innafor religionsforsking
- har kjennskap til samanlikning i religionsvitskap
Ferdigheiter
Studenten
- kan behandle religiøse fenomen på ein systematisk og kristisk måte
- kan vurdere likskapar og ulikskapar i religiøse fenomen på tvers av fleire religionar
- kan kombinere teoretisk innsikt og empirisk kunnskap
- kan søkje, behandle og vurdere informasjon kritisk
Generell kompetanse
Studenten
- kan planlegge og gjennomføre arbeidsoppgåver om nye tema
- kan utføre prosjektbasert arbeid
- kan arbeide både sjølvstendig og som deltakar i ei gruppe
- kan behandle store mengder informasjon og litteratur innafor avgrensa tid
- kan skrive ei oppgåve i tråd med akademisk kjeldebruk og referanseteknikkar
Normalt 10-14 forelesingar og/eller seminar à to timar og UB-kurs. Tilbod om rettleiing av bacheloroppgåva.
Som del av undervisninga vil også studentane få anledning til å presentere prosjektet sitt på eit symposium som vert arrangert 5-7 veker før innlevering. Nærare opplysningar om symposiet og krav til presentasjonane vert kunngjorde på Mitt UiB minst ein månad i forkant.
Presentasjon av prosjekt på eit symposium som vert arrangert 5-7 verker før innlevering.
Obligatoriske undervisningsaktivitetar vert vurdert til godkjent/ikkje godkjent, og begge dei obligatoriske undervisningsaktivitetane må vere godkjent i éitt og same undervisningssemester for å kunne gå opp til vurdering.
I emnet nyttar ein følgjande vurderingsformer:
Eksamen består av ei bacheloroppgåve.
Bacheloroppgåva skal på ein komparativ måte kaste lys over eit religionshistorisk/religionsvitskapleg problem, fenomen eller omgrep. Bacheloroppgåva skal ha eit omfang på 5000-7000 ord.
Obligatoriske arbeidskrav må vere gyldige for å få vurdert eksamen.