Målet med masterprosjektet er å integrere ein produksjon i undersøkande journalistikk med ei skriftleg teoretisk-analytisk tilnærming, slik at studentane utviklar ein breispektra operativ kompetanse på feltet undersøkande journalistikk.

Masterprosjektet består av ein produksjonsretta del og ein teoretisk del. I produksjonsdelen skal studentane utvikle og gjennomføre eit undersøkande journalistisk arbeid for valfri plattform. Produksjonen kan enten vera eitt større arbeid eller bestå av fleire, mindre graveprosjekt. Arbeidet bør utførast i team. Individuelle prosjekt må godkjennast særskilt. Den enkeltes eige bidrag i teamet skal kunna vera identifiserbart. Arbeidet kan vera knytt opp mot prosjekt ved Senter for undersøkande journalistikk. Produksjonen blir kombinert med ein skriftleg, individuell metoderapport på om lag 40-50 sider. Rapporten skal både innehalda ei skildring av prosessen rundt graveprosjektet og ein teoretisk-analytisk del, der éin eller fleire dimensjonar ved eige arbeid blir drøfta ved hjelp av relevant faglitteratur.

Studenten skal ved avslutta emne ha følgjande læringsutbytte:

Kunnskap:

Studenten

• har avansert kunnskap innan fagområdet journalistikk og spesialisert innsikt i undersøkande journalistikk
• har inngåande kunnskap om fagområdets vitskaplege teoriar og metodar
• kan bruke kunnskapane og ferdigheitene til raskt å sette seg inn i nye problemstillingar og ny fagkunnskap, og å bruke denne kunnskapen i sjølvstendig og kreativ undersøkande journalistikk

Dugleik:

Studenten

• kan identifisere og gjere nytte av relevante forskingsmetodar i praktisk retta produksjonar
• kan utvikle sin eigen prosjektplan i undersøkande journalistikk og gjennomføre sitt eige praksisbaserte forskingsprosjekt
• har ferdigheiter i eit bredt spekter av digitale og andre verktøy for datainnsamling og dataanalyse i undersøkande journalistikk
• har ferdigheiter i akademisk skriving og presentasjon
• kan reflektere over, og argumentere for, metodiske og etiske val i arbeidet med eit større prosjekt i undersøkande journalistikk
• kan formidle omfattande sjølvstendig arbeid og kan praktisere uttrykksformene i journalistikken

Generell kompetanse:

Studenten

• kan analysere relevante fag-, yrkes- og forskingsetiske problemstillingar
• kan formidle omfattande sjølvstendig arbeid og kan praktisere uttrykksformene i journalistikken
• kan arbeide individuelt og i team
• kan bidra til nytenking og innovasjonsprosessar innan undersøkande journalistikk
• har demonstrerte ferdigheiter i akademisk skriving og presentasjon
• har vist løysingsfokusert innsikt i ulike dilemma og utfordringar som oppstår undervegs i større undersøkande prosjekt

• UJO301
• UJO302 eller UJO304

• Rettleiing/produksjonsleiing
• Seminar
• Workshops
• Presentasjon av masteroppgåve

• Rettleiing i samband med masteroppgåva
• Deltaking på seminar og workshops

Dei obligatoriske arbeidskrava må vere godkjende før studenten kan levere masteroppgåva

Masteroppgåve og justerande munnleg eksamen.

Masteroppgåva består av:

• produksjonsdel
• metoderapport/teoretisk del

Institutt for informasjons- og medievitskap