Emnet skal gi studenten basale kunnskapar i biokjemi og molekylærbiologi for å kvalifisere studenten til vidare studium innan farmasi eller human ernæring. Emnet går inn i profesjonsstudiet i farmasi. Studentane skal også få innsikt i eksperimentell molekylærbiologi og oversikt over bioteknologisk metodikk.

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskapar:

Etter fullført emne kan studenten:

• Beskrive og forklare grunnleggande strukturar, eigenskapar og metabolismen til protein, lipid og nukleinsyrer
• Greie ut om DNA-replikasjon, DNA-reparasjon, transkripsjon av RNA, RNA-spleising og prosessering, translasjon av mRNA
• Beskrive prinsippa for signalomforming og genregulering og kunne greie ut om utvalde eksemplar i detalj
• Greie ut om energimetabolismen i celler
• Beskrive prinsippa for metoder for proteinrensing og proteinanalyse
• Beskrive og gjennomføre sentrale eksperimentelle biokjemiske, molekylærbiologiske og biomedisinske metodar

Ferdigheitar

Etter fullført emne kan studenten:

• Løyse biomedisinske problemstillingar knytt til underviste tema.
• Utføre utvalte laboratorieanalyser og eksperimentelle analysar, og tolke dei oppnådde resultata

Generell kompetanse

Etter fullført emne kan studenten:

• Samarbeide med medstudentar i teoretisk gruppearbeid og praktiske laboratorieøvingar
• Tryggleiksreglement i emnet

Integrert masterprogram i farmasi eller Bachelorprogram i human ernæring

Førelesningar, studentaktive førelesingar, datakurs, laboratoriekurs og kollokviar.

Deltaking i data-, tryggleiks- og laboratoriekurs er obligatorisk. Laboratorieprosedyrar må utførast tilfredsstillande. Laboratoriejournaler må verte godkjend før studentane kan ta eksamen. Studentane vert oppmoda om å ta del i førelesingar og kollokviar.

4 timars skriftleg eksamen. 

Skriftleg evaluering ved bruk av elektronisk evalueringsverkty.

Institutt for biomedisin
studie.biomed@uib.no

Emneansvarleg:
Ruth Brenk, http://uib.no/personer/Ruth.Brenk