Mål
Kurset har som mål å presentere avanserte emne innan storskala og mesoskala havsirkulasjon med utgangspunkt i dei styrande likningane i geofysisk væske-dynamikk.

Innhald
Med utgangspunkt i dei kvasigeostrofiske likningane som matematisk plattform, vil kurset dekkje Rossbybølgjer, barotrop- og baroklin ustabilitet, storskala sirkulasjon med teoriar for vinddriven straum på midlare og høgare bredde som Sverdrup- og Stommel-teori, og sjiktingseffektar som oppstrauming og nedstrauming. Enkle teoriar for den tettleikdrivne storskala sirkulasjonen, samt dynamiske moder og virvelinduset adveksjon, vil også bli dekt.

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskapar

Studenten

• har god forståing av dei grunnleggjande prinsippa I storskala rørsle på ein roterende plane
• forstår dei styrande likningane for ulike fenomen i geofysisk væskedynamikk
• forstår kvasigeostrofisk dynamikk
• forstår klassisk usabilitetsteori
• forstår storskala vinddriven havsirkulasjon og klassiske teoriar

Ferdigheiter

Studenten

• kan utleia dei kvasigeostrofiske likningane og diskutere barotrope og barokline løysingar for Rossbybølgjer.
• kan utleia ulike løysingar for vinddriven havsirkulasjon, inkludert oppstrauming og nedstrauming
• kan diskutera forenkla modellar for oppdriftsdriven havsirkulasjon
• kan utleia og diskutere kvasigeostrofisk integralføringar for barotrop - og baroklin ustabilitet

Generell kompetanse

Studenten

• kan utleie dei kvasigeostrofiske likningane og diskutere barotrope og barokline løysingar for Rossbybølgjer.
• kan utleia ulike løysingar for vinddriven havsirkulasjon, inkludert oppstrauming og nedsynking
• kan diskutera forenkla modellar for oppdriftdriven havsirkulasjon
• kan utleia og diskutera kvasigeostrofisk integralføringar for barotrop - og baroklin ustabilitet

Skriftleg skuleeksamen, 4 timar

Avsluttande eksamen i GEOF339 hausten 2020 vil vere munnleg eksamen.