Haust

Emnet har eit avgrensa tall på plassar og inngår i undervisningsopptaket. Meir info: http://www.uib.no/matnat/utdanning/studiehverdag/undervisningsopptaket

Emnet gir ei innføring i sedimentologi og sedimentologiske metodar.

Kurset starter med ei oversikt over forvitringsprosessar og deira betydning for korleis sediment og sedimentære bergartar vert danna. Sedimenttransport- og avsettingsprosessar samt sedimentære teksturar og strukturar vert diskutert. Vidare vert mineralsammensetting, klassifikasjon og danning av dei viktigaste sedimenttypane gjennomgått. Det vert gitt ei oversikt over sedimentære avsettingsmiljø og sedimentære basseng.

I øvingane blir danning av sediment og skildring og tolking av sediment, sedimentære bergartar og strukturar gjennomgått.

I løpet av semesteret blir det eit 6-dagers feltkurs i sør-Spania der ein får ei innføring i sedimentologiske feltmetodar og avsetjingar frå forskjellige sedimentære miljø og deira forhold til klima, havnivåendringar og bassengutvikling.

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskapar
Studenten kan

• forklare kva eit sedimentbasseng er for noko
• forklare forskjellen på fysisk og kjemisk vitring
• forklare samanhengen mellom vitring, erosjon og sedimentsamansetjing
• skal ha kjennskap til viktige prinsipp i væskedynamikk som er relevant for sedimenttransport og avsetjing
• forklare danninga av dei forskjellige sedimentære strukturane
• forklare korleis sediment blir til sedimentære bergartar
• forklare forskjellane i danning av silisiklastiske sediment og karbonatsediment
• forklare forskjellane i diagenesen av silisiklastiske sediment og karbonatsediment
• forklare danninga av forskjellige karbonatavsetjinger
• forklare danninga av forskjellige evaporittavsetjinger
• forklare danninga av leirsteinar, sandsteinar og konglomerat

Ferdigheiter
Studenten kan

• nytte eit presist geologisk fagspråk til å skildre og diskutere sedimentære strukturar, teksturar og prosessar
• identifisere hovudtypane av sedimentære bergartar slik som leirsteinar, sandsteinar, konglomerat, kalksteinar, og evaporittar.
• tolke prosessane som førte til danning av desse basert på bergarten si samansetting og sedimentære strukturar
• identifisere miljøet (kontinentalt, grunnmarint, dypmarint) sedimenta blei avsette i
• forklare kva slags sedimentære bergartar som er karakteristiske i forskjellige typar sedimentasjonsbasseng

Generell kompetanse
Studenten

• får eit grunnlag for vidare studiar i sedimentologi og sekvensstratigrafi
• kan gjennomføre feltarbeid i samsvar med GEO/UiB sine HMS-retningsliner

Førelesingar: 2 timar pr. veke i 13 veker

Praktiske øvingar: 2 timar pr. veke i 11 veker over fylgjande tema: Vitring, sedimentære teksturar, sedimentære strukturar, klassifikasjon av sandsteinar, karbonatar, bruk av logg, tolking av avsettingsmiljø

Fortløpande tilbakemelding på innleverte øvingar

Feltkurs: 1 veke sør i Spania med følgjande presentasjon av oppgitt emne.

Obligatorisk deltaking på feltkurset i Spania

Godkjende innleveringer (9) i samband med dei praktiske øvingane

Godkjent presentasjon over oppgitt tema relatert til feltkurset.

Godkjende obligatoriske deler er gyldige i tre semester, inkludert semesteret dei først vart godkjente.

Skriftleg eksamen - 4 timar

Tillate hjelpemiddel: Enkel kalkulator I samsvar med fakultetet sine reglar.

Digital eksamen, se http://www.uib.no/student/86719/digital-vurdering-studenter.

Studiekonsulent ved Institutt for geovitenskap

E-post: studiekonsulent@geo.uib.no