Emner: HELSAM303 Forskingsmetode - Vår 2021
Studienivå (studiesyklus)
Master
Undervisningsspråk
Norsk
Undervisningssemester
Haust
Mål og innhald
Mål:
Emnet skal gi studenten grunnleggande kunnskap om ulike kvalitative og kvantitative forskingsmetodar brukt i helsefagleg forsking, og vanlege statistiske omgrep og analysemetodar. Studenten skal få trening i å analysere vitskaplege artiklar.
Innhald:
Emnet dekkjer forskingsmetodar som ulike typar forskingsintervju, ulike typar observasjon, dokumentanalyse, ulike typar studiedesign og vanlige statistiske omgrep og analysemetodar innan kvantitativ forsking. Grunnlagstenking i kvantitativ og kvalitativ forsking vert reist.
Læringsutbyte
Studenten skal ved avslutta emne ha følgjande læringsutbytte definert i kunnskap, ferdigheiter og generell kompetanse:
Kunnskap
Studenten har:
- grunnleggande kunnskap om forholdet mellom forskingsspørsmål og metodisk tilnærming
- grunnleggande kunnskap om kjernespørsmål knytt til gyldigheit i kvalitativ og kvantitativ forsking
Ferdigheiter
Studenten kan:
- vurdere forskingsmetodar i høve til aktuelle problemstillingar
- gjere greie for vanlige deskriptive statistiske mål og prinsipp for hypotesetesting og generalisering
Generell kompetanse
Studenten kan:
- syne evne til kritisk refleksjon over metodebruk
- anvende sine kunnskapar til analyse av forsking med ulike typar forskingsdesign
Krav til forkunnskapar
Fullført bachelorgrad eller tilsvarande
Krav til studierett
Studierett på masterprogram helse og samfunn
Arbeids- og undervisningsformer
Det vert brukt studentaktive arbeids- og undervisningsformer, som:
- Førelesningar med studentførebuande og studentaktiviserande element
- Gruppearbeid
- Sjølvstudium
- Fleirvalstest
Obligatorisk undervisningsaktivitet
- Oppgåveinnlevering
- Skriftleg tilbakemelding på medstudent sin oppgåve
Det forventast at alle studentar møter opp og deltar aktivt i undervisninga. Kvar student har ansvar for eigen læring og for å bidra til gruppas læringsmiljø.
Vurderingsformer
- Munnleg gruppepresentasjon
- Skriftleg oppgåveinnlevering, beståande av:
- Individuell innlevering av gruppeoppgåve
- Individuelt refleksjonsnotat
Karakterskala
Bestått/ikkje bestått
Vurderingssemester
Haust
Litteraturliste
Litteraturlista vil vere klar innan 01.06. for haustsemesteret og 01.01. for vårsemesteret.
Emneevaluering
Evaluering med emnerapport til studiekvalitetsbasen kvar 2. gong (4. år)
Kontaktinformasjon
Studierettleiar kan kontaktast her:
studie@igs.uib.no