Mål:

Emnet har som mål å gje studentar ei innføring i teori og metodar brukt i strålebehandling av kreft, inkludert også partikkelterapi.

Innhald:

Emnet skal formidle forståing for medisinsk-fysiske prinsipp som er knytta til bruk av ioniserande stråling innanfor strålebehandling av kreft ved bruk av fotonstråling og partiklar. Kurset vil gje ein introduksjon til (ekstern) stråleterapi i kreftbehandling, grunnleggande vekselverknadar for stråleterapi og dosimetri, innføring i produksjon og karakterisering av terapeutiske strålar/strålefelt, doseoptimisering. Kurset vil også fokusere på strålebiologiske vekselverknadar og korleis desse påverkar behandlinga.

Studenten skal ved avslutta emne ha fylgjande læringsutbyte definert i kunnskapar, ferdigheiter og generell kompetanse:

Kunnskapar

Studenten skal kunne:

• Vise kjennskap til det biologiske og medisinske rasjonale for stråleterapi
• Beskrive produksjon og karakterisering av terapeutiske strålar/strålefelt
• Beskrive i detalj dei ulike stega i stråleterapiprosessen frå planlegging til ferdig behandling
• Greie ut om fordelar og ulemper med ulike behandlingsteknikkar og strålingstypar

Ferdigheiter

• Gjennom praktiske øvingar har studenten fått praktiske kunnskapar om doseplanlegging og god vurderingsevne med tanke på kva omsyn som må takast ved utarbeiding av pasientplanar for stråleterapi.
• Studenten er i stand til å utføre skriftlege øvingar/utrekningar innan stråleterapi

Generell kompetanse

• Studenten kan formidle sine faglege kunnskapar gjennom munnleg presentasjon.

Undervisninga gis i form av forelesningar. I tillegg vil det vere obligatoriske rekneøvingar og omvisning på seksjon for medisinsk fysikk ved Haukeland sjukehus. Forelesningane vil dekke alle tema for kurset, og i tillegg vil det bli gitt anbefalt fordjupningsstoff i litteraturlista

Aktivitet/ Tal på timar pr. veke: 4 timar forelesning (delvis erstatta av øvingar/omvisning enkelte veker)

Aktivitet/ Tal på veker: 14

• Rekneøvingar utgjer 20 % av karakteren og alle rekneøvingar må innleverast for å ta eksamen.

• Rekneøvingar utgjer 20 % av karakteren. Alle rekneøvingar må innleverast for å ta eksamen.
• Muntleg eksamen utgjer 80% av karakteren.