Mål:Emnet gjer studenten kjent med samanhengen mellom teori og eksperiment og ulike feilkjelder i eksperimentelt arbeid. Studenten lærer også å presentere eksperimentelle resultat i ein vitskapeleg rapport, både skriftleg og munnleg.

Innhald: Emnet gir ei eksperimentell innføring i optikk. Fylgjande tema vert gjennomgått: Polarisering, diffraksjon, interferens, optisk filtrering.

I dette emnet er det få tilgjengelege plassar. Ved større søkjartal vil studentar på master i optikk og atomfysikk prioriterast.

Studenten skal ved avslutta emne ha fylgjande læringsutbyte definert i kunnskapar, ferdigheiter og generell kompetanse:

Kunnskapar

Studenten kan

• forstå samanhengen mellom teori og eksperiment
• identifisere feilkjelder i eksperimentelle målingar
• forstå dei ulike rollene til komponentar i eit eksperimentelt forsøk

Ferdigheiter

Studenten kan

• bruke eksperimentelt utstyr til å utføre forsøka
• skrive ein vitskapeleg rapport som på ein klar måte framstiller det eksperimentelle arbeidet
• presentere det eksperimentelle arbeidet i ein munnleg presentasjon

Generell kompetanse

Studenten kan

• forklare teoretiske og praktiske avgrensingar til laboratorieeksperiment
• vurdere kvaliteten til eigne eksperimentelle resultat på ein kritisk måte

• Obligatorisk oppmøte på alle laboratorieøvingar
• Laboratorierapport. Godkjent obligatorisk aktivitet er gyldig i (2) påfølgande semester etter godkjenninga.
• Godkjent obligatorisk aktivitet (presentasjon)er gyldig i (2) påfølgande semester etter godkjenninga.

• Rapporter , utgjør 50% av karakteren.
• Presentasjon (20 min), utgjør 10% av karakteren.
• Muntlig eksamen (45 min), utgjør 40% av karakteren.