Målet for emnet er at studenten ved avslutta kurs skal vise grunnleggjande forståing av profesjonell naturfagundervisning, kritisk tenking i og om undervisning, og fagleg, fagdidaktisk og pedagogisk utvikling i læraryrket.

Hovudtema for emnet er undervisning, kritisk tenking og profesjonell utvikling. Undertema kan vere:

• planlegging, gjennomføring og evaluering av variert undervisning i naturfag på ulike læringsarenaer og tilpassa ulike elevgrupper
• praksisorientert utviklingsarbeid
• ulike kunnskapsformer

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskapar

Studenten

• veit kva læreplanar og andre styringsdokument seier om grunn¬leggjande ferdigheiter i naturfag
• kan greie ut om omgrepslæring og djupnelæring i naturfag og korleis desse omgrepa blir framstilte i forskingslitteratur og styringsdokument
• kan gjere greie for ulike former for undervisning for berekraftig utvikling og bruk av natur, inkludert naturbruk og natur-forvaltning i den samiske kulturen
• kan forklare korleis dei planlagde aktivitetane kan fremje kognitiv utvikling og språkleg aktivitet hjå elevane
• kjenner prinsippa for læring gjennom dialog og for utforskande arbeidsmåtar i undervisning
• kan gjere greie for teoriar om profesjonell utvikling

Ferdigheiter

Studenten

• kan undervise i naturfag i lys av sentrale teoriar om læring og motivasjon
• varierer undervisninga
• stimulerer elevane til å tileigne seg grunnleggjande ferdigheiter
• stimulerer elevane til å utvikle kunnskap om og respekt for natur og miljø
• tar ansvar for opplæring, klassemiljø og tryggleik knytt til ulike undervisningsformer
• kan leie klassar/elevgrupper på ekskursjon og i laboratorieaktivitetar i naturfag
• legg for dagen aukande meistring av læraryrket og evne til å reflektere over si eiga utvikling i praktisk arbeid og i dei obligatoriske oppgåvene

Generell kompetanse

Studenten

• viser evne til å reflektere kritisk over planlegging og gjennomføring av naturfagundervisning på ulike arenaer og i heterogene elevgrupper
• finn, brukar og vurderer relevant fagleg, fagdidaktisk og pedagogisk litteratur i fagleg argumentasjon og undervisning
• arbeider målretta med å utvikle sin eigen profesjonalitet på eiga hand og i samarbeid med andre

Undervisninga er lagt opp etter ein integrert modell med samarbeid mellom pedagogikk og didaktikk i undervisning, oppgåver, rettleiing, praksis og eksamen. Undervisninga blir organisert som ei blanding av nettbasert studium, tre samlingar og praksis. På samlingane møter studentane varierte undervisningsformer, m.a. førelesingar og seminarundervisning i mindre grupper.

Studentane har tilbod om til saman 2 timar individuell rettleiing av fagdidaktikar og pedagog.

Emnet har 20 dagar praksis som skal gjennomførast i løpet av 8 veker:

• Praksis vil normalt bli lagt til ein ungdomsskole.
• Studentane har praksis i grupper, par eller individuelt.
• Praksis skal helst gjennomførast i matematikk og naturfag, men andre realfag kan også vere aktuelle
• Ein praksisdag er definert som minimum 6 skoletimar (4,5 klokketimar). Dette inkluderer førearbeid, observasjon, undervisning og rettleiing, samt møte og liknande aktivitetar ved skolen.
• Praksis er tilpassa og fleksibel slik at skole og student i fellesskap blir einige om når praksis blir gjennomført innafor den gitte praksisperioden.
• Praksis blir evaluert ved praksisskolen og av pedagogar og fagdidaktikarar på praksisbesøk.

• Deltaking på samlingar
• 20 praksisdagar i skolen
• To innleveringar av utkast til praksisoppgåve
• Munnlege presentasjonar av eige prosjektarbeid undervegs
• Deltaking i responsgrupper med fagfellevurderingar

Dei obligatoriske aktivitetane må være godkjende for at studenten skal kunne gå opp til eksamen.