Emnet skal gi studentane ei innføring i psykologien sitt historiske opphav og utvikling som vitskapleg og anvend disiplin, samt gi ei innføring i sentrale namn, hovudtradisjonar og spørsmål knytte til psykologi som vitskap og profesjonell praksis. 

Psykologiens historie

Studenten vil få ei innføring i psykologiens idéhistoriske røter og framveksten av den første eksperimentalpsykologien. Hovudvekta ligg på å få oversikt over psykologiens hovudtradisjonar som praksisdisiplin og vitskap, og utviklinga fram til i dag. Studentane får ei grunnleggande innføring i forholdet mellom akademisk og anvend psykologi. Vidare skal dei gjerast kjende med den internasjonale og nasjonale framveksten av psykologprofesjonen. Studentane får også praktisk innføring i akademisk skriving og skal utforme ei akademisk oppgåve om tema innanfor psykologiens historie.

Kunnskapar

Ved fullført emne kan studenten:

• greie ut om psykologiens historiske utvikling som vitskapleg disiplin 
• kjenne til psykologiens filosofiske røter og psykologifagets opphav og etablering som sjølvstendig vitskapleg disiplin
• greie ut om psykologiens hovudtradisjonar og framveksten av den nasjonale og internasjonale psykologprofesjonen
• greie ut om sentrale namn og bidrag i psykologiens historie, og korleis desse blir vurderte i dag
• greie ut om sentrale spørsmål og debattar i psykologiens historie
• kjenne til referanse- og kjeldebruk i akademisk skriving

Ferdigheiter

Ved fullført emne kan studenten:

• analysere og reflektere kritisk rundt samtidas psykologiske teoriar, diskursar og praksis, og plassere desse i ein historisk kontekst 
• vere kritisk og reflekterande til vitskapane generelt og psykologien spesielt 
• beskrive kjenneteikn ved psykologiens røter i filosofi
• beskrive og diskutere sentrale kjenneteikn ved dei ulike psykologiske (skule-)retningane, samt beskrive likskapar og forskjellar mellom desse med omsyn til innhald, metodebruk og menneskesyn
• beskrive og diskutere sentrale namn og deira bidrag 
• kunne skrive ei akademisk oppgåve

Generell kompetanse

Ved fullført emne kan studenten:

• analysere psykologifagets historiske forankringar og slik bidra til nytenking i faget 
• reflektere over sentrale problemstillingar innanfor psykologiens historie
• reflektere over sentrale problemstillingar i psykologprofesjonens historie
• reflektere kritisk om sentrale namn, tradisjonar og spørsmål i psykologiens historie
• skrive ei akademisk oppgåve med bruk av ulike kjelder

https://www.uib.no/psyfa/43960/informasjonssenteret-ved-det-psykologiske-fakultetInformasjonssenteret ved Det psykologiske fakultet