Emnet skal gje studentane ei innføring i psykologien sitt historiske opphav og utvikling som vitskapleg og anvend disiplin, samt gje ei innføring i sentrale namn, hovudtradisjonar og spørsmål knytt til psykologi som vitskap og profesjonell praksis.

Psykologiens historie

Studenten vil få ei innføring i psykologiens idéhistoriske røter og framveksten av den første eksperimentalpsykologien. Hovudvekta ligg på å gje ei oversikt over psykologiens hovudtradisjonar som praksisdisiplin og vitskap, og utviklinga av desse fram til i dag. Studentane får ei grunnleggjande innføring i forholdet mellom akademisk og anvend psykologi. Vidare skal studentane gjerast kjende med den internasjonale og nasjonale framveksten av psykologprofesjonen.

Kunnskapar

Ved fullført emne kan studenten:

• greie ut om den historiske utviklinga av psykologi som vitskapleg disiplin

• kjenne til psykologiens filosofiske røter, psykologifaget sitt opphav og etablering som sjølvstendig vitskapleg disiplin

• greie ut om psykologiens hovudtradisjonar og framveksten av psykologprofesjonen

• greie ut om sentrale namn og bidrag i psykologien si historie, og korleis desse blir vurderte i dag

• greie ut om sentrale spørsmål og debattar i psykologien si historie

Ferdigheiter

Ved fullført emne kan studenten:

• analysere og reflektere seg kritisk til samtidas psykologiske teoriar, diskursar og praksis, og plassere desse i ein historisk kontekst

• stille seg kritisk og reflekterande til vitskapane generelt og psykologien spesielt

• beskrive kjenneteikn ved psykologiens røter i filosofi

• beskrive og diskutere dei sentrale kjenneteikna ved dei ulike psykologiske (skule-)retningane, samt å beskrive likskapar og skilnader mellom desse med omsyn til innhald, metodebruk og menneskesyn

• beskrive og diskutere namn og deira bidrag i psykologien si historie

• beskrive og diskutere sentrale spørsmål og debattar i psykologien si historie

Generell kompetanse

Ved fullført emne kan studenten:

• analysere psykologifagets historiske forankringar, og slik bidra til nytenking i faget
  
• reflektere over sentrale problemstillingar innan psykologien si historie
   
• reflektere kritisk rundt sentrale namn, tradisjonar og spørsmål i psykologien si historie
  

Institutt for klinisk psykologi.

Emnet vert evaluert i tråd med Det psykologiske fakultet sine rutinar for deltakande evaluering og UiB sitt kvalitetssikringssystem.