Tema 1: Kvalitativ metode og djubdeintervju

Kurset gir ein introduksjon til det kunnskapsteoretiske grunnlaget for kvalitativ forskingsmetode. Det tek særleg utgangspunkt i eit hermeneutisk-fenomenologisk perspektiv, men vil også gi oversikt over andre sentrale tilnærmingar. Kurset gir vidare praktisk øving i gjennomføring av kvalitative forskingsintervju. Denne innføringsøvinga bygger på eit klinisk perspektiv og kan kun erstattast av kurs som tek utgangspunkt i tilsvarande rammeverk. Kurset gir også ei oversikt over ulike måtar å evaluere kvalitativ forsking på, og korleis kunnskap frå slike studiar kan anvendast i psykologisk praksis.

Tema 2: Kvantitativ metode

Kurset gir ei innføring i grunnleggande metodar for beskriving, behandling og oppsummering av kvantitativt datamateriale. Det blir gitt opplæring i vanlege former for organisering av kvantitative data, ulike former for beskriving og oppsummering av slike data, samt sentrale prinsipp for å gjere statistiske slutningar. Gjennom praktiske øvingar vil studentane få trening i bearbeiding og oppsummering av kvantitativ informasjon. Vidare vil kurset gi ei innføring i korleis ein kan evaluere og anvende kunnskap frå kvantitativ forskning i psykologisk praksis.

Studenten skal ved avslutta emne ha følgande læringsutbytte definert i kunnskapar, ferdigheiter og generell kompetanse

Kunnskapar

Studenten kan: 

• gjere greie for ulike kvalitative og kvantitative forskingsmetodar innanfor psykologi 
• gjere greie for sentrale trekk ved det kunnskapsteoretiske grunnlaget for kvalitative og kvantitative forskingsmetodar 
• gjere greie for kvalitetskriterium i forsking, inkludert prinsipp for openheit i vitskapleg arbeid
• kritisk analysere relevant forsking og meistre psykologfaglege uttrykksformer
• sjølvstendig grunngi val og bruk av relevante metodiske verktøy og utføre ulike kvantitative og kvalitative analysar
• forklare og drøfte etiske spørsmål og personvernomsyn som er knytte til gjennomføring av kvalitativ og kvantitativ forsking 
• gjere greie for hermeneutisk-fenomenologisk forskingsmetode, mogelegheiter og avgrensingar ved djubdeintervju, samt drøfte sentrale kvalitetskriterium for kvalitativ forsking 
• gjere greie for betydinga av refleksivitet i innsamling og analyse av kvalitativt datamateriale med særleg vekt på forholdet mellom intervjuperson og intervjuar 
• beskrive og differensiere hovudtilnærmingar til kvantitativ dataanalyse 
• identifisere situasjonar der det er relevant å bruke ulike former for kvantitativ dataanalyse
• kjenne til prinsipp for organisering av kvantitativt datamateriale 
• kjenne til grunnleggande statistiske omgrep som sentraltendens, spreiing (spredning) og samanheng 
• Kjenne til prinsipp for statistiske slutningar

Ferdigheiter

Studenten kan: 

• utforme forskingsspørsmål som er eigna for kvalitativ eller kvantitativ forsking 
• vurdere kvalitet på kvalitative og kvantitative undersøkingar
• utforme ein intervjuguide, gjennomføre eit kvalitativt forskingsintervju, samt kode og analysere transkribert intervjumateriale 
• rapportere metodisk framgangsmåte, presentere kvalitative forskingsfunn og drøfte funna refleksivt innanfor format av skriftlege forskingsarbeid
• skape kontakt og innhente informasjon om andres erfaringar gjennom intervju 
• legge til rette og organisere kvantitative data ved hjelp av standard programvare 
• framstille enkel univariat og bivariat statistikk ved hjelp av standard programvare 
• tolke resultat frå statistiske analysar av bivariate samanhengar og forskjellar mellom grupper 
• kommunisere resultat frå statistiske analysar i samsvar med vitskaplege standardar 

Generell kompetanse

Studenten kan:

• stille seg kritisk og reflektert til mogelegheiter og avgrensingar ved kvalitativ og kvantitativ forsking
• reflektere over intervjusituasjonens etiske og mellommenneskelege dynamikk

Tema 1: Kvalitativ metode og dybdeintervju

• Gjennomført intervjuøving og evalueringsøving (godkjenning av lærar)
• Skriftleg innlevering (godkjenning av lærar)

Tema 2: Kvantitativ metode

• Deltaking i øvingar (godkjenning av lærar)
• Fullførte oppgåver knytte til forelesingstema (godkjenning av lærar)
• Kursprøve på kvantitative data-analysar på relevant kunnskapsområde (godkjenning av lærar)

Obligatoriske arbeidskrav blir vurdert som Godkjent / Ikkje godkjent.

https://www.uib.no/psyfa/43960/informasjonssenteret-ved-det-psykologiske-fakultetInformasjonssenteret ved Det psykologiske fakultet