Tema 1: Kvalitativ metode og djubdeintervju

Kurset gir ein introduksjon til det kunnskapsteoretiske grunnlaget for kvalitativ forskingsmetode. Det tar særleg utgangspunkt i eit hermeneutisk-fenomenologisk perspektiv, men vil også gi oversikt over andre sentrale tilnærmingar. Kurset gir vidare ei praktisk øving i gjennomføring av kvalitative forskingsintervju. Denne innføringsøvinga bygger på eit klinisk perspektiv og kan kun erstattast av kurs som tar utgangspunkt i tilsvarande rammeverk. Kurset gir også ei oversikt over ulike måtar å evaluere kvalitativ forsking på, og korleis kunnskap frå slike studium kan anvendast i psykologisk praksis.

Tema 2: Kvantitativ metode

Kurset gir ei innføring i grunnleggande metodar for beskriving, behandling og oppsummering av kvantitativt datamateriale. Det blir gitt opplæring i vanlege former for organisering av kvantitative data, ulike former for beskriving og oppsummering av slike data, samt sentrale prinsipp for å gjere statistiske slutningar. Gjennom praktiske øvingar vil studentane få trening i bearbeiding og oppsummering av kvantitativ informasjon. Vidare vil kurset gi ei innføring i korleis evaluere og anvende kunnskap frå kvantitativ forsking i psykologisk praksis.

Studenten skal ved avslutta emne ha følgande læringsutbytte definert i kunnskapar, ferdigheiter og generell kompetanse:

Kunnskapar

Studenten kan:

• gjere greie for sentrale trekk ved det kunnskapsteoretiske grunnlaget for kvalitative og kvantitative forskingsmetodar
• forklare og drøfte etiske spørsmål og personvernomsyn knytt til gjennomføring av kvalitativ og kvantitativ forsking
• gjere greie for hermeneutisk-fenomenologisk forskingsmetode, mogelegheiter og avgrensingar ved djubdeintervju, samt drøfte sentrale kvalitetskriterium for kvalitativ forsking
• gjere greie for betydninga av refleksivitet i innsamling og analyse av kvalitativt datamateriale, med særleg vekt på forholdet mellom intervjuperson og intervjuar
• beskrive og differensiere hovudtilnærmingar til kvantitativ dataanalyse
• identifisere situasjonar der ulike former for kvantitativ dataanalyse er relevante å bruke
• kjenne til prinsipp for organisering av kvantitativt datamateriale
• kjenne til grunnleggande statistiske omgrep som sentraltendens, spreiing og samanheng
• kjenne til prinsipp for statistiske slutningar

Ferdigheiter

Studenten kan:

•  utforme forskingsspørsmål som er eigna for kvalitativ eller kvantitativ forsking
• vurdere kvalitet på kvalitative og kvantitative undesøkingar
• utforme ein intervjuguide, gjennomføre eit kvalitativt forskingsintervju, samt kode og analysere transkribert intervjumateriale
• rapportere metodisk framgangsmåte, presentere kvalitative forskingsfunn og drøfte funna refleksivt innanfor format av skriftlege forskingsarbeid
• skape kontakt og innhente informasjon om andres erfaringar gjennom intervju
• legge til rette og organisere kvantitative data ved hjelp av standard programvare
• framstille enkel univariat og bivariat statistikk ved hjelp av standard programvare
• fortolke resultat frå statistiske analysar av bivariate samanhengar og forskjellar mellom grupper
• kommunisere resultat frå statistiske analysar i samsvar med vitskaplege standardar 

Generell kompetanse

Studenten kan:

• stille seg kritisk og reflektert til mogelegheiter og avgrensingar ved kvalitativ og kvantitativ forsking 
• reflektere over intervjusituasjonens etiske og mellommenneskelege dynamikk

Tema 1: Kvalitativ metode og djubdeintervju

• Gjennomført intervjuøving og evalueringsøving (skal godkjennast av lærar)
• Skriftleg innlevering (skal godkjennast av lærar)

Tema 2: Kvantitativ metode

• Deltaking i øvingar (skal godkjennast av lærar)
• Fullførte oppgaver knytt til forelesingstema (skal godkjennast av lærar)
• Kursprøve på kvantitative data-analysar på relevant kunnskapsområde (skal godkjennast av lærar)

Obligatoriske arbeidskrav blir vurdert som Godkjent/ ikkje godkjent.