Emnet skal gje studentane ei innføring i psykologiens historiske opphav og utvikling som vitskapleg og anvend disiplin, samt gje ei innføring i sentrale namn, hovudtradisjonar og spørsmål som er knytte til psykologi som vitskap og profesjonell praksis.

Psykologiens historie

Studentane vil få ei innføring i psykologiens idéhistoriske røter og i framveksten av den første eksperimentalpsykologien. Hovudvekta ligg på å gi studentane eit oversyn over psykologiens hovudtradisjonar som praksisdisiplin og vitskap, og over utviklinga fram til i dag. Studentane vil også få ei grunnleggande innføring i forholdet mellom akademisk og anvend psykologi. Vidare vil dei bli kjende med den internasjonale og nasjonale framveksten av psykologprofesjonen. Studentane får også praktisk innføring i akademisk skriving og skal utforme ei akademisk oppgåve om tema innanfor psykologiens historie.

Kunnskapar

Ved fullført emne kan studenten ...

• greie ut om psykologiens historiske utvikling som vitskapleg disiplin
• kjenne til psykologiens filosofiske røter, psykologifagets opphav og etablering som sjølvstendig vitskapleg disiplin
• greie ut om psykologiens hovudtradisjonar og framveksten av den nasjonale og internasjonale psykologprofesjonen
• greie ut om sentrale namn og bidrag i psykologiens historie, og korleis desse blir vurdert i dag
• greie ut om sentrale spørsmål og debattar i psykologiens historie
• kjenne til korrekt bruk av referansar og kjelder i akademisk skriving

Ferdigheiter

Ved fullført emne kan studenten ...

• analysere og reflektere kritisk rundt samtidas psykologiske teoriar, diskursar og praksis, og plassere desse i ein historisk kontekst
• stille seg kritisk og reflekterande til vitskapane generelt og psykologien spesielt
• beskrive kjenneteikn ved psykologiens røter i filosofi
• beskrive og diskutere dei sentrale kjenneteikna ved dei ulike psykologiske (skule-)retningane, samt beskrive likskapar og skilnader mellom desse med omsyn til innhald, metodebruk og menneskesyn
• beskrive og diskutere sentrale namn og deira bidrag
• kunne skrive akademisk oppgåve

Generell kompetanse

Ved fullført emne kan studenten ...

• analysere psykologifagets historiske forankringar og slik bidra til nytenking i faget
• reflektere over sentrale problemstillingar innanfor psykologiens historie
• reflektere over sentrale problemstillingar i psykologprofesjonens historie
• reflektere kritisk rundt sentrale namn, tradisjonar og spørsmål i psykologiens historie
• skrive akademisk oppgåve med bruk av ulike kjelder