Bachelor

Master

Mål:

Emnet har som mål å gje studentane i BS-graden i petroleumsteknologi eit godt og breitt grunnlag i omgrep og likningar for fleirfasestraum i porøse medium (olje- og gassreservoar). PTEK211 skal gje eit fagleg fundament for å forstå olje- og gass sin plass i noverande og framtidig energiforsyning og vise korleis petroleumsproduksjon kan endrast mot ein meir karbonnøytral energiproduksjon. Emnet skal gje ein oversikt over alternative energikjelder for framtida og verdifull kunnskap omkring energiomstilling.

Innhald:

Emnet gir ei innføring i generell reservoarfysikk med vekt på dei fysiske prosessar som ligg til grunn for petroleumsproduksjon. Grunnleggjande petrofysiske omgrep og likningar som blir gjennomgått er absolutt og relativ permeabilitet, fuktpreferansar, kapillartrykk, kjerneanalyse og brønnlogging. Det bli diskutert og framlagt ulike teknologiar for optimalisert produksjon av petroleum. Nye teknologiar for reduksjon av karbonavtrykk i petroleumsproduksjon, inklusivt CO2 fangst og lagring (CCUS) blir særleg vektlagt. Alternative energiressursar vil bli presentert og diskutert i lys av olje- og gass produksjon.

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskapar

Ved fullført emne PTEK211 skal studenten kunne:

• Greie ut om sentrale tema innan reservoarfysikk
• forklare eigenskapar ved porøse medium, med fokus på olje- og gassreservoar
• beskrive fleirfasestraum i porøse medium med hovudvekt på oljeproduksjon
• gjere greie for innverknad på straum i porøse bergartar frå parametrar som permeabilitet, trykk, temperatur, kapillartrykk, relativ permeabilitet og fuktpreferanse
• forklare prinsippa ved brønnlogging
• gje framtidsperspektiva for korleis petroleumsproduksjon blir del av energimiksen
• presentere nye teknologiar for olje- og gassproduksjon for lågkarbon energiproduksjon med CO2 fangst og lagring (CCUS)

Ferdigheiter

Studenten skal kunne:

• Beherske og forstå matematiske og fysiske beskrivelsar av fleirfasestraum i porøse mediar
• Gjennomføre analyse av olje- og gass produksjon
• Bidra til gjennomføring av økt oljeutvinningsprosjekter
• Bidra til utvikling av berekraftige teknologiar for lågkarbon energiproduksjon frå petroleumsressursar

Generell kompetanse

• Studenten skal kunne forstå og gje bidrag til aktivitetar for drift og produksjon av olje- og gassreservoar.
• Studenten skal kunne bidra i energiskiftet mot meir berekraftig energiproduksjon frå fossile energikilder.

Undervisninga gis i form av førelesningar

Aktivitet/ Tal på timar pr. Veke: 3

Aktivitet/ Tal på veker: 14

• Munnleg eksamen

Contact information student adviser: mailto:studieveileder.ppt@ift.uib.nostudieveileder.ppt@ift.uib.no

Tlf: 55 58 28 64