Haust.

Emnet skal gjennom historiske djupstudium, innføring i kjeldekritiske metodar og teaterhistoriografiske teoriar, gi studenten innsikt i og forståing av eldre og nyare teaterhistorie og historieskriving.

Innføring i vitskapsteori skal bidra til ei djupare filosofisk-estetisk forståinga av teater og gi metodiske og kritiske reiskapar for arbeidet med teaterhistoriske emne og systematiske område innanfor teatervitskapen.

Emnet er obligatorisk i masterstudiet i teatervitskap.

Kunnskapar

Etter fullført emne har studenten

• avanserte kunnskapar om utvalde felt innanfor teaterhistoria
• avanserte kunnskapar om teaterhistoriografiske teoriar og metodar
• god forståing for dei underliggande vitskapsteoretiske problemstillingar i teatervitskapen

Ferdigheiter

Etter fullført emne kan studenten

• samanlikne og vurdere ulike teaterhistoriografiske standpunkt
• analysere ein teaterhistorisk tekst ut frå historiografiske perspektiv
• utøve teaterhistorisk kjeldekritikk

Generell kompetanse

Etter fullført emne kan studenten

• drøfte ulike måtar å framstille teaterhistoriske emnar
• bidra til teaterhistorieskrivinga

Studentane må møte på minst 75% av undervisninga.

Pga. koronasituasjonen vil kravet om oppmøte til undervisninga ikkje bli handheva hausten 2020. Vi oppmodar likevel studentane til å følgje undervisninga i størst mogleg grad.

Sju dagars heimeeksamen (om lag 5000 ord) med justerande munnleg prøve.

Våren 2021 er vurderingsforma endra frå 7-dagars heimeeksamen og ein justerande munnleg eksamen til 7-dagars heimeeksamen, som tiltak mot spreiing av koronavirus.

Institutt for lingvistiske, litterære og estetiske studium

E-post: studierettleiar@lle.uib.no