Kognitiv vitskap er eit fagfelt som studerer intelligente system, korleis dei er bygde opp, korleis dei ulike delane av slike system fungerer, og korleis delane samspeler for å frambringe det vi normalt kallar tenking. Typiske tema ein ser på er kunnskapsrepresentasjon, resonnering, minne, språk, sansing og emosjonar. Psykologi er sjølvsagt ein viktig del av dette, men viktig er og kunstig intelligente system på datamaskiner. Datamaskina gjev oss høve til forme modellar av dei ulike sidene ved intelligens og simulere desse for på den måten å få ei betre forståing av kva intelligens er for noko.

Kognitiv vitskap er tverrfagleg og tek opp i seg element frå informatikk, informasjonsvitskap, lingvistikk, psykologi og filosofi. Desse vitskapane har sine eigne perspektiv på dei fenomena ein studerer i kognitiv vitskap og gjev ulike bidrag til forståinga av dei. Sentralt i faget står logikk, lingvistikk, kognitiv psykologi og sinnsfilosofi. Kunnskap om programmering av datamaskiner er viktig både som metode og frå eit teoretisk perspektiv. Viktige element er og andre metodiske komponentar som statistikk og diskrete strukturar.

På bachelorstudiet i kognitiv vitskap kan du mellom anna studere følgjande tema:

• Programmering
• Språkvitskap (lingvistikk)
• Språk og data
• Biologisk og kognitiv psykologi
• Sinnsfilosofi
• Logikk
• Kunstig intelligens

Ein kandidat med fullført program skal ha følgjande totale læringsutbyte definert i kunnskap, dugleikar og generell kompetanse:

Kunnskap:

Kandidaten

• har brei teoretisk forståing av korleis kognitive system er bygd opp
• forstår korleis systema fungerer, både hos menneske og i datamaskiner
• forstår korleis ein kan programmere og eksperimentere med kognitive system i datamaskiner ved bruk av teknikkar frå logikk, kunstig intelligens og datalingvistikk
• har eit humanistisk perspektiv på kognisjon tatt i vare ved ei innføring i kognitiv psykologi og sinnsfilosofi

Dugleikar:

Kandidaten

• kan reflektere kritisk omkring den forståinga vi har av kognitive prosessar og korleis dei er bygd opp
• har dugleikar og erfaring innanfor programmering og datahandsaming retta mot utviking av kunstig intelligente datasystem, resonnerande programvare og språkteknologi
• kan analysere teknologiar for denne typen datasystem
• kan gjere statistisk analyse av data omkring kognitive fenomen

Generell kompetanse:

Kandidaten

• kan analysere, evaluere og forstå kognitive prosessar, språk, og andre komplekse fenomen med relasjon til menneskeleg åtferd
• kan arbeide innan fagfeltet kognitiv vitskap, gjerne med spesialisering i informatikk, informasjonsvitskap eller filosofi
• kan bidra som ikt-systemutviklar i ulike typar roller, i eit spenn som omfattar alt frå kommunikasjon med brukar til avansert teknisk utvikling
• kan samarbeide i gruppe- og prosjektarbeid
• kan utforme skriftlege rapporter og dokumentasjon og stå for munnleg framlegging av eige arbeid

1. semester

• KOGVIT101 Introduction to the Cognitive Sciences
• INF100 Innføring i programmering
• EXFAC00SK Examen facultatum, Språk og kommunikasjon

2. semester

• DASPSTAT Statistikk og kognisjonsforsking
• LOG110 Introduksjon til formal logikk
• LOG111 Førsteordens logikk
• INF101 Objektorientert programmering

3. semester

• LING122 Språk og kognisjon
• INFO282 Knowledge Representation and Reasoning
• INF102 Algoritmar, datastrukturar og programmering

4. semester

• FIL105 Sinnsfilosofi
• PSYK120 Biologisk og kognitiv psykologi
• EXPHIL-PSSEM/EXPHIL-PSEKS Examen philosophicum - seminar- eller skoleeksamensmodell.

5. og 6. semester

I femte semester vel du spesialisering innan informatikk, informasjonsvitskap eller filosofi:

Informasjonsvitskap

• INFO180 Metodar i kunstig intelligens
• 40 studiepoeng INFO-emne på 100- og 200-nivå (ikkje INFO100 og INFO132)
• 10 valfrie studiepoeng

Informatikk

• INF122 Funksjonell programmering
• MAT111 Grunnkurs i matematikk I
• INF223 Kategoriteori
• INF227 Innføring i logikk
• MAT121 Lineær algebra
• Valfritt emne (gjerne innan data, matematikk, eller INFO180)

Filosofi

• FIL121 Filosofihistoria frå opplysingstida til 1900-talet
• FIL129 Filosofiske klassikarar
• FIL120 Filosofihistoria frå antikken til opplysingstida
• FIL251 Bacheloroppgåve i filosofi

Valfrie emne

Om du ikkje ønsker å ta ein av dei tre spesialiseringene (informasjonsvitskap, informatikk eller filosofi) kan du søke om å velje andre emne i femte og sjette semester. Ta kontakt med studierettleiar om du har spørsmål eller treng rettleiing om emneval.

Bachelorprogrammet i kognitiv vitskap vil kvalifisere deg for opptak til masterprogrammet i informasjonsvitskap (MASV-INFO), informatikk (MAMN-INF), filosofi (MAHF-FILO), eller felles masterprogram i programutvikling (MAMN-PROG), alt etter kva du vel for spesialisering.

Følgjande emne inngår i opptaksgrunnlaget til master i informasjonsvitskap:

Studieplan i Kognitiv vitskap frå før 2019: KOGVIT101, INF100, INFO102, INFO282, INFO283, 50 studiepoeng i informasjonsvitskap (kan ikkje være INFO100, eller INFO132).

Studieplan i Kognitiv vitskap frå 2019 og seinare: KOGVIT101, INF100, INF101, INFO282, INF122, INFO180, 50 studiepoeng i informasjonsvitskap (kan ikkje være INFO100, eller INFO132).

Sjå studieprogramsidene til masterprogramma for meir informasjon om opptakskrav.

Gjennom studiet i kognitiv vitskap vil du tileigne deg både ein yrkesrelevant IT-kompetanse og ei akademisk evne til kritisk analyse og nytenking. Det gir deg ein dobbel kompetanse som er svært etterspurt på arbeidsmarknaden. Studiet kvalifiserer for undervisning og arbeid i ulike fag avhengig av spesialiseringa du vel i det tredje året av studiet.

Studiet kan òg byggast ut med masterstudium i fleire retningar, som kvalifiserer for forsking og undervisning innanfor universitets- og høgskolesektoren.

I den siste delen av studieprogrammet kan du spesialisere deg ut frå interessene dine. Du kan velje å lære informasjonsbehandling og programmering, som er ettertrakta i mange stillingar i industrien og i offentleg sektor. Du kan òg orientere deg meir mot teknologiske nyvinningar innanfor ulike kunstig intelligens-tema, noko som vil gje deg ferdigheiter som er etterspurt hos selskap som satsar på slik teknologi. Aktørar som Google, Microsoft, IBM og Apple er i dag svært opptatt av kunstig intelligens.

Institutt for informasjons- og medievitenskap

studieveileder@ifi.uib.no

Kognitiv vitskap er eit fagfelt som studerer intelligente system, korleis dei er bygde opp, korleis dei ulike delane av slike system fungerer, og korleis delane samspeler for å frambringe det vi normalt kallar tenking. Typiske tema ein ser på er kunnskapsrepresentasjon, resonnering, minne, språk, sansing og emosjonar. Psykologi er sjølvsagt ein viktig del av dette, men viktig er og kunstig intelligente system på datamaskiner. Datamaskina gjev oss høve til forme modellar av dei ulike sidene ved intelligens og simulere desse for på den måten å få ei betre forståing av kva intelligens er for noko.

Kognitiv vitskap er tverrfagleg og tek opp i seg element frå informatikk, informasjonsvitskap, lingvistikk, psykologi og filosofi. Desse vitskapane har sine eigne perspektiv på dei fenomena ein studerer i kognitiv vitskap og gjev ulike bidrag til forståinga av dei. Sentralt i faget står logikk, lingvistikk, kognitiv psykologi og sinnsfilosofi. Kunnskap om programmering av datamaskiner er viktig både som metode og frå eit teoretisk perspektiv. Viktige element er og andre metodiske komponentar som statistikk og diskrete strukturar.

Bachelorprogrammet i kognitiv vitskap er 3-årig (180 studiepoeng). Graden er sett saman av fag og emne frå fire ulike fakultet etter følgjande mønster:

- 30 studiepoeng innføringsemne inkludert ex.phil.

- 90 studiepoeng med emne som dannar kunnskapsgrunnlaget i kognitiv vitskap

- 60 studiepoeng valfrie emne, eventuelt ved utanlandske lærestader

Gjennom heile studieløpet vil studentane møte ein kombinasjon av teoretiske og meir praktiske emner. Undervisninga vert gjeven som førelesingar, seminar og kollokviegrupper. Emna i kognitiv vitskap inneheld store innslag av sjølvstendig praktisk arbeid under rettleiing. Studiet omfattar derfor ikkje eiga bacheloroppgåve.

I 1. semester gjennomfører studentane ex. phil. samt introduksjon til programmering (INF100- informatikk) og ex.fac. lingvistikk.

I 2. semester tar studentane 15 studiepoeng i logikk (LOG101 - filosofi), 5 stp i diskrete strukturar (INFO102- informasjonsvitskap) og eit oversiktskurs i kognitiv vitskap (KOGVIT101)

I 3. semester følgjer studentane kurs i kunstig intelligens
(INFO282), programmering for kunstig intelligens, (INFO232), programmering og søkjestrategi (DASP101), språk og data (DASP107), og statistikk og kognisjonsforsking (DASP106).

I 4. semester får studentane ei innføring i kognitiv psykologi i kurset PSYK1xx, matematisk logikk i INF227 og sinnsfilosofi (FILsss)

5. og 6. semester er sett av til 60 studiepoeng frie kursval, gjerne ved utanlandske universitet. Vi tilrår at studentane vel ei spesialisering innan informatikk, informasjonsvitskap, datalingvistikk eller filosofi, som alle opnar for mulig framhald med ein mastergrad (avheng av spesialisering).

I tillegg til obligatoriske program-emner må følgende emner avlegges for å søkje om opptak til mastergradsprogrammet i informasjonsvitskap:

• INFO122 Grunnkurs i databasehandsaming
• INFO123 Utvalte emne i databasehandsaming
• INFO110 Informasjonssystem
• INFO114 Utvalte emne i informasjonssystem
• 200-emne Anten INFO210+214, INFO221, INFO231 eller INFO261

I tillegg til obligatoriske program-emner må følgende emner avlegges for å søkje om opptak til mastergradsprogrammet i informatikk :

• INF102 Algoritmar, datastrukturar og programmering
• INF121 Programmeringsparadigme
• MAT111 Grunnkurs i matematikk I
• INF110 Datamaskinar og operativsystem (eller tilsvarende)
• INF112 Systemkonstruksjon
• MAT121 Lineær algebra

I tillegg til obligatoriske program-emner må følgende emner avlegges for å søkje om opptak til mastergradsprogrammet i datalingvistikk :

• DASP104 Automatisk analyse av språk
• LING121 Fonologi (anten dette emnet eller LING116)
• LING116 Semantikk (anten dette emnet eller LING121)
• LING118 Språk og kognisjon
• LING111 Syntaks
• DASP201 Grammatikkar og lingvistiske verktøy
• DASP203 Leksikon og ordnett

I tillegg til obligatoriske program-emner må følgende emner avlegges for å søkje om opptak til mastergradsprogrammet i filosofi:

• FIL102 Innføring i filosofi: Frå Kant til våre dagar
• FIL104 Perspektiv i samtidsfilosofien
• FIL101 Innføring i filosofi: Frå antikk til empirisme
• FIL103 Logikk, språk- og vitskapsfilosofi

Studiet kvalifiserer for undervisning og arbeid i ulike fag avhengig av spesialisering som vert vald i tredje året av studiet. Om ein til dømes vel ei retning som informatikk eller informasjonsvitskap vil ein og kunne vere kvalifisert for arbeid i ikt-bransjen.

Studiet kan også byggast ut med masterstudier i fleire retningar og kvalifisere for forsking og undervisning innan universitets- og høgskolesektoren.

Gjennom Nordplus- og Erasmus-samarbeidet, høvesvis mellom nordiske universitet og universitet i EU-land, er det organisert studentutveksling som ein del av universitetets ordinære verksemd. Universitetet har i tillegg eigne utvekslingsavtaler med utdanningsinstitusjonar over heile verda. Norske studentar kan inkludere eit på førehand godkjent studieprogram, frå 3 veker til 12 månader, i studiet sitt og den norske graden studenten tar.