Studieprogram: ÅRHF-ENG Årsstudium i engelsk - Høst 2022
Namn på grad
Årsstudiet gir ingen grad.
Omfang og studiepoeng
Studiet har eit omfang på 60 studiepoeng og er normert til eitt år på full tid.
Fulltid/deltid
Fulltid
Om du vil ta heile eller delar av studiet som eit 50% deltidsstudium, kan du vende deg til studierettleiar.
Undervisningsspråk
Engelsk
Studiestart - semester
Vår
Mål og innhald
Emna i årsstudiet skal gi studentane øving i akademiske studium av engelsk lingvistikk og engelsk-språkleg litteratur. Studentane får inngåande kunnskap om språksystem, -utvikling, -variasjon, -endring og -bruk, og om sentrale tema, periodar og tilnærmingar innan litteratur- og kulturstudium.
Læringsutbyte
Kandidaten skal ved avslutta program ha følgjande læringsutbyte definert i kunnskapar, ferdigheiter og generell kompetanse:
Kunnskapar
Ved avslutta program kan studentane
- bruke analytiske omgrep, teoriar og metodar i vitskaplege studium av språk, litterære tekstar, periodar og kulturelle kontekstar
- skildre sentrale aspekt ved lingvistiske og litterære system med eit presist omgrepsapparat
- skildre, forklare og analysere spesialiserte tema innan engelsk lingvistikk, t.d. fonetikk og fonologi, morfologi, syntaks, semantikk, pragmatikk og sosiolingvistikk
- skildre, forklare og analysere spesialiserte tema innan britisk og amerikansk litteratur, litterær kritikk og kritisk teori
Ferdigheiter
Ved avslutta program kan studentane
- bruke vitskaplege omgrep og metodar på ein kritisk måte
- analysere autentiske språklege data og ulike litterære og ikkje-litterære tekstar.
- utforske samanhengen mellom språkstruktur og språkbruk.
- utforske samanhengen mellom litterære tekstar og historiske og kulturelle kontekstar
Generell kompetanse
Ved avslutta program kan studentane
- tenke og argumentere analytisk, kritisk og sjølvstendig rundt tema innan sine akademiske felt
- finne, vurdere og bruke informasjon innan sine akademiske felt
- vise samarbeidsevner ¿ kunne diskutere kritisk og konstruktivt som del av ei gruppe
- vise ferdigheiter i skriftleg kommunikasjon ¿ kunne skrive klårt og effektivt på engelsk og tilpasse skrivestilen til innhald, kontekst, tema og formål
- vise ferdigheiter i munnleg kommunikasjon ¿ kunne kommunisere klårt og effektivt på munnleg engelsk, forklare idear til andre og argumentere for eige synspunkt
Opptakskrav
Generell studiekompetanse eller realkompetanse.
Tilrådde forkunnskapar
Ein vil sterkt rå til at studentane i tillegg til generell studiekompetanse har studiespesialiserande programfag i engelsk frå vidaregåande skole med gode karakterar.
Innføringsemne
Studiet har ingen innføringsemne.
Obligatoriske emne
ENG110 Lydar og strukturar (15 stp) (V)
ENG125 Britisk litteratur og kultur (15 stp) (V)
ENG107 Engelsk grammatikk II (5 stp) (H) - siste gang H22
ENG118 Utvalt emne i engelsk språkstruktur og/eller bruk (5 stp) (H) - siste gang H22
ENG119 Utvalt emne i engelsk språkvariasjon (5 stp) (H) - siste gang H22
ENG120 System og variasjon (15 stp) (H) - første gang H23
ENG122 Amerikansk litteratur og kultur (15 stp) (H)
Tilrådde valemne
Det er ingen valemne i årsstudiet.
Rekkefølgje for emne i studiet
Årsstudiet i engelsk utgjer 60 studiepoeng og er sett saman av emne innan språk, litteratur og kultur:
1. semester (vår)
ENG110 Lydar og strukturar (15 stp)
ENG125 Britisk litteratur og kultur (15 stp)
2. semester (haust) - siste gang hausten 2022
ENG107 Engelsk grammatikk II (stp) - siste gang H22
ENG118 Utvalt emne i engelsk språkstruktur og/eller bruk (5 stp) - siste gang H22
ENG119 Utvalt emne i engelsk språkvariasjon (5 stp) - siste gang H22
ENG122 Amerikansk litteratur og kultur (15 stp)
2. semester (haust) - første gang hausten 2023
ENG120 System og variasjon (15 stp)
ENG122 Amerikansk litteratur og kultur (15 stp)
Delstudium i utlandet
Studentar på årsstudium har ikkje høve til å ta delstudiar i utlandet.
Arbeids- og undervisningsformer
Gjennom ulike undervisingsformer får studentane moglegheit til å studere og nærme seg faget på ulike måtar. Undervisninga føreset aktiv deltaking frå studentane.
Arbeidsmetodar og undervisingsformer kan vere førelesingar, seminar, gruppearbeid, skriftlege og munnlege presentasjonar, omgreps- og problemfokuserte oppgåver, problembasert læring, rettleiing og praktisk bruk av digitale verktøy.
For nærare informasjon, sjå dei einskilde emneplanane.
Vurderingsformer
Gjennom studiet møter studentane ulike vurderingsformer, som til dømes skriftleg skuleeksamen, rettleidd oppgåve, heimeeksamen og/eller mappevurdering.
Vurderingsformene er tilpassa læringsutbyttet i dei ulike emna.
For nærare informasjon om vurderingsformer, sjå dei einskilde emneplanane.
Karakterskala
Ved sensur av emna i programmet kan det bli nytta ein av to karakterskalaer:
- A-F, der F er stryk
- greidd/ikkje greidd
Sjå emneplanen for det einskilde emnet.
Vitnemål og vitnemålstillegg
Årsstudiet gir ingen grad og heller ikkje vitnemål. Ein kan bestille karakterutskrift når ein er ferdig med studiet.
Grunnlag for vidare studium
Eit årsstudium kan normalt inngå i ein bachelorgrad, anten som del av spesialiseringa eller som frie studiepoeng.
Årsstudiet i engelsk kan i sin heilskap inngå som eitt år av spesialiseringa i bachelorprogram i engelsk.
Årsstudium i engelsk gir grunnlag for opptak til Praktisk pedagogisk utdanning (PPU) i engelsk. Meir informasjon om opptakskrava finn ein på www.uib.no/studieprogram/PRAPED
Relevans for arbeidsliv
Årstudiet i engelsk kvalifiserer for undervisning innanfor skoleverket og for anna arbeid både i offentleg og privat sektor der kunnskap om språk, litteratur og kultur er viktig, til dømes informasjonsarbeid, media, reiseliv, omsetjing og eksportretta verksemd.
Evaluering
Årsstudiet blir kontinuerelig evaluert i tråd med retningslinene for kvalitetssikring ved UiB. Emne- og programevalueringar finn ein på kvalitetsbasen.uib.no
Skikkavurdering og autorisasjon
Programmet har ikkje krav om skikkavurdering eller autorisasjon.
Programansvarleg
Programstyret har ansvar for fagleg innhald og oppbygging av studiet og for kvaliteten på studieprogrammet
Administrativt ansvarleg
Institutt for framandspråk ved Det humanistiske fakultet har det administrative ansvaret for studieprogrammet.
Kontaktinformasjon
Mål og innhald
Emna i årsstudiet skal gi studentane ei grunnleggjande innføring i engelsk språk, i britisk og amerikansk litteratur, og i kultur og samfunnstilhøve i Storbritannia og USA. Oppøving av praktisk dugleik i engelsk er ein viktig del av studiet. I tillegg til arbeid med fagstoffet tek studiet sikte på å utvikle både den analytiske evna til studentane og evna til å kommunisere best mogleg på engelsk.
Tilrådde forkunnskaper
Ein vil sterkt rå til at studentane i tillegg til generell studiekompetanse har studiespesialiserande programfag i engelsk frå vidaregåande skole med gode karakterar.
Undervisning
Undervisningstilbodet omfattar førelesingar, seminar og gruppeundervisning og føreset aktiv deltaking frå studentane. For nærare opplysningar, sjå studieplanane for enkeltemna.
Fageining og spesialisering
Årsstudiet i engelsk utgjer 60 studiepoeng og er sett saman av emne innan språk, litteratur og kultur:
ENG114 Engelsk grammatikk I (10 stp)
ENG115 Engelsk fonetikk og fonologi (5 stp)
ENG107 Engelsk grammatikk II (5 stp)
ENG108 Engelsk som verdsspråk (5 stp)
ENG109 Variantar av engelsk (5 stp)
ENG125 Britisk litteratur og kultur (15 stp)
ENG122 Amerikansk litteratur og kultur (15 stp)
Studiet kan gå inn i ein bachelorgrad, anten som del av ei spesialisering i engelsk eller som støttefag i bachelorgraden. Ei spesialisering i engelsk skal, i tillegg til dei 60 studiepoenga på 100-nivå (årsstudiet), innehalde 30 studiepoeng på 200-nivå.
Vurdering / Eksamensformer
Sjå studieplanane for enkeltemna.
Yrkesvegar
Årstudiet i engelsk kvalifiserer for undervisning innanfor skoleverket og for anna arbeid både i offentleg og privat sektor der kunnskap om språk, litteratur og kultur er viktig, til dømes informasjonsarbeid, media, reiseliv, omsetjing og eksportretta verksemd.
Læremiddelomtale
Litteraturliste finn ein på det einskilde emnet si nettside. Litteraturlista skal være klar innan 01.06 for haustsemesteret, og innan 01.12 for vårsemesteret.
Oppstart
Årsstudiet i Engelsk startar opp kvart vårsemester.
Planforslag
Studiet har oppstart om våren og inneheld følgjande seks emne:
Vår
ENG114 Engelsk grammatikk I (10 stp)
ENG115 Engelsk fonetikk og fonologi (5 stp)
ENG125 Britisk litteratur og kultur (15 stp)
Haust
ENG107 Engelsk grammatikk II (5 stp)
ENG108 Engelsk som verdsspråk (5 stp)
ENG109 Variantar av engelsk (5 stp)
ENG122 Amerikansk litteratur og kultur (15 stp)