Årsstudiet i kunsthistorie passar for deg som er interessert i kunst og visuelle uttrykk. Gjennom studiet lærer du om visuell kultur, kunst og arkitektur i eit historisk, sosialt, retorisk og estetisk perspektiv.

Vi utforskar ulike former for visuelle medium, som måleri, skulptur, fotografi, arkitektur og landskap. Tyngdepunktet er den visuelle kulturen i Europa frå antikken til i dag.

På studiet diskuterer vi kva for rolle kunsten har i samfunnet, kva forhold kunsten har til politikk og makt, og korleis kunsten kan bli forstått og tolka.

Kunsthistoriefaget stiller spørsmål som:

• Kva rolle har bilete i religion, og på kva grunnlag har ein villa forby dei?
• Er pressefotografiet ei spegling av røynda eller ein konstruksjon?
• Når blir noko kunst: er ikonet i kyrkja kunst, eller blir det kunst først når det heng i galleriet, og kva kan eit urinal seie oss når det blir kunst?

Dette årsstudiet er først og fremst retta mot studentar som allereie har teke eit studium på høgskole- eller universitetsnivå tidlegare, og som vil supplere tidlegare utdanning.

Kandidaten skal ved avslutta program ha følgjande læringsutbyte definert i kunnskapar, dugleikar/ferdigheiter og generell kompetanse:

Kunnskapar:

Kandidaten

• har brei kunnskap om sentrale utviklingstrekk innan biletkunst, arkitektur og visuell kultur i perioden frå antikken til i dag
• kjenner til fagområdet si historie, utvikling av metodikk og dessutan sentrale forskarar som har sett preg på praksis innan faget
• har òg kunnskap om korleis forsking, museumsvesen og visningspraksis har endra seg gjennom historia

Dugleikar/Ferdigheiter:

Kandidaten

• kan analysere, tolke og drøfte ulike verk i ein kunsthistorisk kontekst, og syne kva for geografisk tilhøyring, datering og attribuering ulike kunstverk frå perioden har
• kan kjenne att karakteristiske trekk, og kunne formulere ei grunngjeving og argumentasjon for desse
• kan finne, vurdere og vise til kjelder, bruke dette til å belyse problemstillingar, dessutan ha eit medvite forhold til eiga fagleg utøving

Generell kompetanse:

Kandidaten

• kjenner faget si historie og utvikling, dessutan verktøy for bilettolking og arkitekturanalyse.
• kan planlegge og gjennomføre eit arbeid over tid, både aleine og i samarbeid med andre.
• kan presentere problemstillingar og argumentere for ulike løysingar både skriftleg, munnleg og gjennom ulike medium.

• KUN105 - Kunst og kultur i antikken, Bysants og tidleg mellomalder
• KUN106 - Kunst, arkitektur og visuell kultur 1750-1950
• KUN107 - Kunst og kultur i mellomalder, renessanse og barokk
• KUN108 - Kunst, arkitektur og visuell kultur 1950-i dag

1. semester (vår):

• KUN105 - Kunst og kultur i antikken, Bysants og tidleg mellomalder
• KUN106 - Kunst, arkitektur og visuell kultur 1750-1950

2. semester (haust):

• KUN107 - Kunst og kultur i mellomalder, renessanse og barokk
• KUN108 - Kunst, arkitektur og visuell kultur 1950-i dag

Ta gjerne kontakt med studierettleiar på programmet dersom du har spørsmål: studierettleiar.lle@uib.no.

Tlf. 55 58 24 00.

Årsstudiet i kunsthistorie skal gi føresetnader for å forstå kunsten som eit estetisk, historisk og sosialt fenomen. Eit årsstudium i kunsthistorie omfattar historia til biletmedia frå antikken til i dag - måleri, skulpturar, moderne sjangrar som fotografi, film og elektroniske bilete, samt arkitekturhistorie og bygningsvern. Studiet gir ei ålmenn innføring i den historiske utviklinga av biletkunst, arkitektur og anna visuell kultur frå antikken og fram til vår eiga tid i Europa, og frå nyare tid også i USA.

Undervisninga vert gitt i form av førelesingar og seminar. Dersom ressursane tillet det, vil det bli organisert kollokviegrupper leia av timelærarar eller undervisingsassistentar.

Studentane vil bli prøvd på ulike måtar, til dømes med skuleeksamen, heimeoppgåve og munnleg presentasjon. Ein viser til studieplanane for dei enkelte emna for nærare informasjon.

Eit årsstudium i kunsthistorie er bygd opp av fire emne på 100-nivå. Kvart valemne er på 15 studiepoeng. I det første semesteret tek studentane to av følgjande tre emne: KUN 135, KUN 145, KUN146. I det andre semesteret tek studentane to av emna KUN131, KUN132, KUN144.

Årsstudiet i kunsthistorie inngår i spesialiseringa i kunsthistorie på BA-nivå.

Om våren går desse emna:

KUN131 - Kunst, arkitektur og visuell kultur i antikken

KUN132 - Kunst, arkitektur og visuell kultur i mellomalderen

KUN 144 - Kunst, arkitektur og visuell kultur 1750-1900

Om hausten går desse emna:

KUN135 - Kultur- og kunsthistorie i tidleg nytid (1400-1750)

KUN145 - Kunst, arkitektur og visuell kultur 1900-1970

KUN146 - Samtidas kunst, arkitektur og visuelle kultur

Vår

Velg to av tre:

KUN131, Kunst, arkitektur og visuell kultur i antikken (15 SP),

KUN132, Kunst, arkitektur og visuell kultur i mellomalderen (15 SP),

KUN144 Kunst, arkitektur og visuell kultur 1750-1900 (15 SP)

Høst

Velg to av tre:

KUN135, Kultur- og kunsthistorie i tidleg nytid 1400-1750 (15 SP),

KUN145, Kunst, arkitektur og visuell kultur 1900-1970 (15 SP),

KUN146, Samtidas kunst, arkitektur og visuelle kultur (15 SP)