Haust + vår (2 påfølgjande semester)

Emnet har som mål å gje oversikt over ulike disiplinar innan biovitskap. Studentane vert trena i å lytte til, tolke, reflektere over og gjengi vitskapeleg informasjon, og får trening i vitskapeleg skriving.

Seminarserien består av ei førelesing kvar veke gjeve på engelsk av føredragshaldarar som kjem frå både inn- og utland. Dei er ekspertar innan sine fagfelt, blant anna innan molekylærbiologi, biokjemi, cellebiologi, biomedisin, fysiologi, nevrovitskap, translasjonell medisin, strukturbiologi, proteomikk og bioinformatikk. Dei er valt ut etter kriterium som kompetanse, formidlingsevne og emnediversitet.

Program for seminara: https://www.uib.no/biomedisin/en/resources/conferences-and-seminars/bbb-seminars

Etter fullført emne kan studenten:

Kunnskapar

• Kjenne til fagomgrep innanfor ei breidde av dei biovitskapelege områda.
• Kjenne til ulike aspekt av ¿state-of-the-art¿ forskingspraksis som fører fram til nye vitskapelege erkjenningar.

Ferdigheiter

• Følgje og forstå vitskapelege føredrag og formulere gode rapportar.
• Framvise forbetra skriftleg framstillingsevne basert på innspel frå /diskusjonar med fagpersonar.
• Ved ein samanlikning av ulike måtar å presentere eit vitskapeleg prosjekt på, få eit godt grunnlag for eigen presentasjonsteknikk.

Generell kompetanse

• Definere eit framtidig forskingsfelt for seinare studiar basert på ein utvida vitskapeleg horisont.
• Vere i stand til å utføre sjølvstendig skrivearbeid på vitskapeleg vis.
• Erkjenne nytten av å delta på vitskapelege seminar gjeve av toppranka forskarar.

Undervisning:

• Felles informasjonsmøter (obligatorisk)
• Seminar kvar veke (obligatorisk deltaking på 25 seminar i to semester)
• Éin-til-éin-møter med emneansvarleg for gjennomgang av rapportar (obligatorisk)

Omfang:

• To informasjonsmøter à 1 time
• 25 seminar à 2 timar (inkluderer førebuing)
• To rapportar à 40 timar
• To gjennomgangar med emneansvarleg à 1,5 timar

Totalt 135 timar.

Innlevering av éin rapport kvart semester. Rapportane må følgje retningslinene som er publisert på Mitt UiB. Rapporten skal vere på 3-4 sider og skrivast på engelsk.

Emneansvarleg nyttar eit eige skjema i vurdering av rapportane.

Studentane vert innkalla til obligatorisk gjennomgong av dei korrigerte rapportane med emneansvarleg.

Institutt for biomedisin
studie.biomed@uib.no

Emneansvarleg:
Harald Barsnes, https://www.uib.no/personer/Harald.Barsnes