Studenten skal ved avslutta emne ha følgjande læringsutbytte definert i kunnskap, ferdigheiter og generell kompetanse:

Kunnskap:

Studenten

• kjenner til kva som kjenneteiknar ulike typar kulturvitskapleg materiale.
• har spesialkompetanse i analyse av kulturvitskapleg materiale.
• har kunnskap om kulturvitskapens metodiske framgangsmåtar.

Ferdigheiter:

Studenten

• kan velje ut og arbeide med ulike typar kjeldemateriale ut frå kulturvitskaplege problemstillingar
• kan gjennomføre kulturvitskaplege analyser av eit empirisk materiale.

Generell kompetanse:

Studenten

• kan vurdere eit kjeldemateriale sine moglegheiter og avgrensingar
• kan gjere forskingsetiske vurderingar.
• kjenner til ein kulturvitskapleg forskingsprosess frå val av tema og kjeldemateriale til ferdig analyse.

• Deltaking på metodeøvingar, skriveøvingar og ekskursjonar. Det er krav om 80 % deltaking.
• Ein munnleg presentasjon og ein innlevering av ein skriftleg versjon av denne

Obligatoriske arbeidskrav er gyldig i to semester etter det undervisningssemesteret dei vart godkjende.

Emnet har mappevurdering. Mappa består av tre oppgåver. Kvar oppgåve skal være på om lag 1000 ord. Oppgåvene skal leverast samla ved semesterslutt. Det blir gitt ein samla karakter, der kvar oppgåve vert vekta likt. Alle oppgåvene må vere leverte og beståtte i eitt og same undervisningssemester.

Mappa skal innehalde følgjande deler:

• Ein skriftleg analyse basert på det materialet frå det munnlege framlegget.
• To notat om to andre kjeldekategoriar som er blitt tematisert i undervisninga. Notata skal innehalde refleksjonar over det analytiske potensiale i kjeldematerialet, samt ei forskingsetisk vurdering av bruken av materialet.