Emnet har som mål å gi fordjuping i sentrale delar av manushandverket.

Undervisinga er intensiv og seminarbasert. Ho blir gitt av praksislærar, vitskapleg stab og høgt kvalifiserte gjesteforelesarar. Emnet er delt inn i tre modular.

Modul 1: Manusfaglege element

a) Dialog

I denne komponenten lærer studentane om dialogens konvensjonar og funksjonar i ulike sjangrar og medium. Dei lærer om kva som skil dialogen i tv-fiksjon frå kvardagsspråket, og skal omsetja kunnskapen i praksis gjennom skriveøvingar

b) Bransjekunnskap

Aktørar frå bransjen (kanalar, produksjonsselskap o.l.) gir verdifull innsikt i korleis relevante delar av tv-industrien fungerer

c) Pitching

Studentane skal pitche eit prosjekt for medstudentar, faglærarar og representantar frå bransjen.

Modul 2: Skriverom/forfattarteam

Studentane skal gjennomføre ei samskrivingsoppgåve for å få røynsle med korleis det er å vere del av eit såkalla 'skriverom'. Denne innleveringa munnar ut i manus som BA-studentane i TV-produksjon kan realisere som sine eksamensfilmar.

Modul 3: Pilot

I løpet av emnet skal studentane skriva ein pilot til ein tv-serie.

I dette kurset kan det bli lagt opp til samarbeidsseminar med studentar frå dei to andre praktiske masterprogramma ved MCB.

Studenten skal ved avslutta emne ha følgjande læringsutbyte:

Kunnskap:

Studenten

• har avansert kunnskap om sentrale manusfaglege element, inkludert pitching.
• har inngåande kunnskap om korleis tv-industrien fungerer, noko som er relevant i yrkessamanheng. Studentane skal vite korleis kanalar og produksjonsselskap arbeider, tenkjer og prioriterer.

Ferdigheiter:

Studenten

• har avanserte kunnskapar om, og ferdigheiter i, skriving av dialog.
• har lært å skrive i team og har kunnskap om arbeidsorganiseringa sine kreative funksjonar. Studenten kan omsetje desse innsiktene i praksis i ei gruppebasert skriveøving.
• kan pitche eigne prosjekt i henhold til bransjens praksisar og standardar.

Generell kompetanse:

Studenten

• kan nytte kunnskapane og ferdigheitene sine innan manusutvikling på nye tema og plattformer for å gjennomføre avanserte arbeidsoppgåver og prosjekt, og sjå manusutvikling i samanheng med andre fagområde og forhold innan tv-produksjon.
• kan analysere relevante fag-, yrkes- og forskingsetiske problemstillingar knytte til manusutvikling.
• kan formidle omfattande sjølvstendig arbeid, og meistre uttrykksformer innan fagområdet.
• kan samarbeide om manusutvikling.
• kan kommunisere om faglege problemstillingar, analyser og konklusjonar innan manusutvikling, både med spesialistar og til ålmenta.
• kan bidra til nytenking om manusutvikling.

Samskrivingsøving

Pitching av pilot

Dei obligatoriske arbeidskrava må vere godkjende før studenten kan gå opp til eksamen

Gyldige obligatoriske krav har ingen tidsavgrensing.

• Manus til pilot til tv-serie og kort prosjektskisse.
• Refleksjonsnotat om arbeidet (4500 ord, pluss/minus 10%).

Eksamen blir normalt berre tilbydd i undervisningssemesteret.

Ved sjukdom under heimeeksamen eller ved oppgåveinnlevering, har ein ikkje rett til ny eksamen påfølgande semester. Instituttet kan likevel innvilge utsetting av innleveringsfrist. Normalt blir det gitt utsetting på 1-3 dagar. Ved sjukdom eller andre særskilde forhold må du ta kontakt med studiekonsulent (studiekonsulent.praktiskinfomedia@uib.no) før innleveringsfristen. Ved innleveringsutsetting må legeattest/dokumentasjon visast.