Målet med emnet er å gje studentane erfaring med ernæringsvitskapeleg arbeid, i form av planlegging, gjennomføring og presentasjon av eit vitskapeleg prosjekt (både munnleg og skriftleg), slik at studenten kan dokumentere vitskapeleg tenke- og arbeidsmåte.

Emnet består av ei generell innføring i skriving av ei bacheloroppgåve kor akademisk skriving. kjeldesøk, kjeldekritikk og etiske problemstillingar vil bli drøfta. Studentane kan velgje ei oppgåve frå ei temaliste som presenterast tidleg i emnet.

Oppgåva skal ta utgangspunkt i eit tema/problemstilling knytt til ernæring. Oppgåva kan enten vere basert på empirisk undersøking eller på ein gjennomgang og samanfatting av litteratur på ein systematisk måte til eit avgrensa tema.

Oppgåva kan skrivast på norsk eller engelsk. Om lag midtvegs i emnet skal studentane presentere sine oppgåver til kvarandre på eit bachelorseminar (obligatorisk deltaking). Presentasjonen kan gjennomførast på norsk eller engelsk.

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskap: Kandidaten..

• har brei kunnskap om relevante forskingsmetodar innan basal-, klinisk-, og epidemiologisk kostholds- og ernæringsforsking, inkludert fortolking av resultat
• har brei kunnskap om prinsippa for systematisk kunnskapsoppsummering innan kostholds- og ernæringsforsking

Ferdigheiter: Kandidaten..

• kan analysere og forholda seg kritisk til egen og andre si kostholds- og ernæringsforsking
• kan gjennomføre et avgrensa forskingsprosjekt under rettleiing og i tråd med gjeldene forskingsetiske normer for å undersøke samanhengen mellom kosthald, helse og sjukdom.

Generell kompetanse: Kandidaten..

• kan anvende sine kunnskapar og ferdigheiter til fag- og kunnskapsutvikling innan ernæringsfaget, og bidra i forskingsprosjekt om samanhengen mellom kosthald, helse og sjukdom

Obligatoriske førelesingar innan vitskapelege metodar, forskingsetikk, og bruk av biblioteksverktøy

Munnleg presentasjon av prosjektet på et bachelorseminar, obligatorisk

Sjølvstendig skriving av litteraturoppgåve under rettleiing. Oppgåva kan skrives individuelt eller i gruppe på to studentar. Studentane kan få inntil 10 timer rettleiing per oppgåve av rettleiar. Dette inkluderer rettleiingssamtale og gjennomlesing av oppgåva.

Bacheloroppgåva bør vere omlag 5000 ord, og maksimalt 8000 ord (eksklusiv referansar, appendiks, tabellar)

Førelesingar innan vitskapelege metodar, forskingsetikk, og bruk av biblioteksverktøy

Munnleg presentasjon av prosjektet og deltaking på bachelorseminar