Emnet har som mål å gje studentane kunnskap om datamaskinassisterte metodar for utvikling og produksjon av komplekse elektroniske system. Med utgangspunkt i dei einskilde fasane av konstruksjonsarbeidet behandlast metodar for beskriving av designet, modellering, simulering, produksjon, testing og dokumentasjon av elektronikken.

Studenten skal ved avslutta emne ha fylgjande læringsutbyte definert i kunnskapar, ferdigheiter og generell kompetanse:

Kunnskapar

Studenten

• har god oversikt over metodar for beskriving av komplekse design, modellering, simulering, produksjon, testing og dokumentasjon av elektronikk
• kjenner godt til prinsippa for design av klokkenettverk, strømdistribusjon, IO-krinsar og pakketeknologi som er relevant for komplekse elektroniske system
• kan designe adderere, multiplikatorar, minner til bruk i integrerte krinsar.

Ferdigheiter

Studenten kan

• beskrive, simulere og syntetisere digitale krinsar på forskjellige abstraksjonsnivå ved hjelp av VHDL.
• designe, simulere og optimalisere statisk og dynamisk minnestrukturer
• designe, simulere og optimalisere adderere og multiplikatorar
• gjere utlegg for integrerte krinsar
• teste elektronikk ved hjelp av «boundary-scan» (JTAG)

Generell kompetanse

Studenten får

• øving i presentasjon av nytt stoff for medstudentar
• øving i å sette seg inn i nye problemstillingar på kort tid (24 timers oppgåve)
• opplæring i moderne data-assisterte metodar for elektronikk-konstruksjon og testing der mikroelektronikklaboratoriet blir nytta.

• Studentane gjev sjølve forelesningar i pensum etter avtale med den som er fagansvarleg.
• Det vert gitt laboratorieoppgåver innan krinsdesign, simulering og testing. Studentane leverer rapportar på mitt.uib.no.
• Vi gir 3-4 «1-døgns-oppgaver» i løpet av semesteret. Dei skal leverast på mitt.uib.no. Deretter skal dei leggast fram for medstudentane.

Godkjent obligatorisk aktivitet er gyldig tre påfølgande semester etter godkjenninga.

• Muntleg eksamen (ca 40 minutter) utgjer 100 % av karakteren.