Emner: SANT103 Materialitet: miljø, sted og økonomi - Høst 2022
Studiepoeng, omfang
15 studiepoeng
Studienivå (studiesyklus)
Bachelor
Undervisningsspråk
Engelsk
Undervisningssemester
Vår
Mål og innhald
I sosialantropologien er det sentralt å forstå korleis menneske lever i samspel med sine romlege og materielle omgjevnader. Med utgangspunkt i den globale variasjonen i menneskelege levevis søkjer emnet å gje ei samanliknande innsikt i korleis romlege og materielle vilkår formar og vert forma av samfunn og kultur. Det vert gjort greie for sosialantropologiske perspektiv på økologi, økonomi, ting, stad og rom. Samanhengen mellom det materielle og det sosiokulturelle vert tematisert gjennom diskusjonar av dimensjonar som landskap, stadleggjering og kropp, produksjonsregime, teknologi, miljø og ressursforvaltning, gåvebytte, marknad og konsum. Det vert lagt vekt på å få fram det sosiale og kulturelle mangfaldet i lokale levevis verda over, men òg korleis desse er involvert i større samanhengar prega av modernisering og globalisering, pengemarknad og inkorporering i statlege og overstatlege styringsformer.
Læringsutbyte
Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:
Kunnskap
Studenten skal
- ha oversikt over dei sentrale teoriane, metodane, faghistoria og eigenarten til det sosialantropologiske studiet av materialitet, miljø, økonomi og stad
- ha brei kunnskap om ulike kulturelle praksisar og forståingar på ei rekkje livsområde knytt til menneskelege ervervsformer og sosial organisasjon
Ferdigheiter
Studenten skal
- kunne gjere greie for sentrale sosialantropologiske fagdebattar om samanhengane mellom materielle vilkår, sosial organisering og kulturell meining
- kunne gjere bruk av antropologisk kunnskap, omgrep og perspektiv på konkrete empiriske kasusstudiar og teoretiske problemstillingar som gjeld materielle dimensjonar i menneskeleg liv og verksemd
- kunne reflektere over fagetiske problemstillingar som er relevante for emnets tematikk
Generell kompetanse
Studenten skal
- kunne anvende sosialantropologiske omgrep og perspektiv i forståelsen av materialitet, miljø, økonomi og stad
- ha evne til kritisk tenking og kan gjere bruk av analytiske omgrep og perspektiv for å forstå lokale og globale samfunnsprosessar
- kjenne til hovudtrekka i kvalitativ metode og kan reflektere over desse
- kunne lese og skrive akademiske tekstar innanfor fagspesifikke sjangrar
Krav til forkunnskapar
Ingen
Tilrådde forkunnskapar
SANT100, SANT150
Studiepoengsreduksjon
Ingen
Krav til studierett
Emnet er ope for studentar ved UiB.
Arbeids- og undervisningsformer
Forelesingar, arbeidsgrupper, tilbakemelding frå medstudentar, etnografisk film.
3-4 timer forelesing pr. veke
7-8 veker, ca. 26 timer forelesing
Obligatorisk undervisningsaktivitet
Emnet har følgjande obligatoriske aktivitetar:
- Innlevering av komparativt essay på 1000 ord (+/- 10%)
- Munnleg tilbakemelding på komparativt essay til medstudent i arbeidsgruppe
- Obligatorisk deltaking på arbeidsgruppe under gjennomgang av komparativt essay
Alle dei obligatoriske delane må vere godkjend for å kunne gå opp til eksamen. Godkjend aktivitet er gyldig inneverande og påfølgjande semester.
Vurderingsformer
Skuleeksamen 8 timer
Hjelpemiddel til eksamen
Ingen
Karakterskala
Emnet vert karaktersett med bokstavkarakterar A-F
Vurderingssemester
Eksamen vert tilbydd i undervisningssemesteret og påfølgande semester (ordinær eksamen for studentar med gyldig godkjent obligatorisk undervisningsaktivitet).
Litteraturliste
Litteraturlista vil vere klar innan 01.06. for haustsemesteret og 01.12. for vårsemesteret.
Emneevaluering
Alle emne blir evaluert i tråd med UiBs kvalitetssystem for utdanning.
Programansvarleg
Undervisingsutvalet ved Institutt for sosialantropologi har ansvar for fagleg innhald og oppbygging av studiet og for kvaliteten på studieprogrammet og alle emna der.
Emneansvarleg
Emneansvarleg og administrativ kontaktperson finn du i Mitt UiB.
Administrativt ansvarleg
Det samfunnsvitskaplege fakultet ved Institutt for sosialantropologi har det administrative ansvaret for emnet.
Kontaktinformasjon
Institutt for sosialantropologi
studieveileder@sosantr.uib.no
55 58 92 50 / 55 58 94 51