Vår

Emnet går første gong våren 2019

Bergen.

I perioden mellom undervisningsslutt og eksamen blir det tilbod om eit frivillig opphald i Kiel i tre veker.

Dette emnet finst òg som nettemne (TYS627) med eige opptak.

 I dette emnet skal studentane lære grunnleggjande tysk akademisk lesing og skriving. Eit overordna mål er å setje studentane i stand til å forstå og skrive akademiske tekstar på tysk

Kurset skal styrke studentane si evne til å

• samanfatte og skildre tekstar
• bruke strategiar for å finne fram til formuleringar og tekststruktureringsmiddel til bruk i eigen tekstproduksjon
• utforme avsnitt og tekstar med struktur og samanheng ved hjelp av tekststrukturerande middel
• bruke lese- og skrivestrategiar for å forstå, analysere og drøfte tekstar av ulike sjangrar og argumentere til støtte for eit synspunkt
• bruke og referere til kjelder
• halde innlegg og svare på spørsmål

Kunnskap:Studenten

• har grunnleggjande kunnskap om skriftleg og munnleg kommunikasjon i ei akademisk ramme, dvs. beherskar språklege handlingar som å samanfatte, beskrive, analysere, fortolke, diskutere, drøfte og konkludere
• har kunnskap om ulike lese- og skrivestrategiar som passar til ulike sjangrar
• har kunnskap om ulike skjønnlitterære sjangrar og sakprosasjangrar og tyske fagomgrep som er relevante for å arbeide med desse

Dugleik:Studenten

• kan uttrykkje seg godt akademisk på tysk både munnleg og skriftleg
• kan bruke sentrale lese- og skrivestrategiar på ulike sjangrar
• beherskar grunnleggjande munnlege presentasjonsteknikkar
• kan arbeide sjølvstendig med utgangspunkt i tydelege problemstillingar
• kan arbeide sjølvstendig med ulike sjangrar og delar av ein tekst

Grunnkompetanse:Studenten:

• har eit godt grunnlag for å utvida eigen praktisk kompetanse i tysk språk
• er godt førebudd på å halde fram tyskstudiet på 100-nivå

Undervisningstilbodet omfattar forelesingar som føreset aktiv deltaking frå studentane, og ei øvingsgruppe.

• Ein dobbeltime forelesing og ein dobbeltime øvingsgruppe
• Ein førebuingspakke per veke for sjølvstudium
• 12 veker

Det er oppmøteplikt til 75 % av forelesingane. 

Det skal skrivast 3 rettleidde tekstar (kvar på ca. 2000 ord). 2 av tekstane skal vere innanfor litteratur/kultur, 1 innanfor språk. 2 av desse tekstane (fritt val) skal inngå i ei mappe som er grunnlag for vurdering.

I tillegg skal det skrivast 8 øvingsoppgåver knytte til innhaldet i undervisninga.

Desse må vere godkjende for at studenten skal kunne gå opp til eksamen.

Desse oppgåvene kan løysast individuelt eller i grupper.

Mappe med 2 tekstar (kvar på ca. 2000 ord). Studenten vel sjølv kva for to av dei tre tekstane under obligatorisk undervisningsaktivitet hen ønskjer å ha med i mappa. Innleveringsfristen for tekstane blir annonsert i starten av semesteret.

Det er ikkje mogleg å levere mappe i undervisningsfritt semester, men ein kan levere mappa neste undervisningssemester/vårsemester. Har mappa vore levert før, må tekstane omarbeidast. (Oppmøteplikta og dei 8 øvingsoppgåvene er gyldige i to semester etter undervisningssemesteret.)