Føremålet med kurset er å ta opp grunnomgrep og arbeidsmetodar i faget til diskusjon, trene studentane i å identifisere samanhengen mellom teori og data og å gjere dei i stand til sjølv å kunne utvikle slike samanhengar. Kurset vil lære studentane relevansen av positivistiske, hermeneutiske og diskursive forskingstilnærmingar i studiar av organisasjon og politikk med omsyn til å utvikle eit eige forskingsopplegg. Vidare vil kurset ta sikte på å presentere konkrete metodar for studentane slik at dei seinare kan velje frå ein brei meny av forskingsmetodar i arbeidet med masteroppgåva. Samstundes skal kurset gi studentane evne til å forstå og drøfte kritisk metodar i andre forskingsbidrag som dei møter i samband med til dømes utarbeiding av litteraturstudiar. Eit gjennomgangstema på kurset vil være forskingsdesign, der vi tek sikte på å vise korleis dei ulike delane av forskingsprosessen står i høve til kvarandre. Endeleg er det eit mål å vise studentane korleis metodologiske val heng saman med ulike vitskapsteretiske tradisjonar.

Kurset har følgjande komponentar:

1. Vitskapsteori og grunnleggjande omgrepsanalyse
2. Forskingsdesign
3. Case som forskingsstrategi
4. Tekstanalyse og dokumentdata
5. Kvalitativt intervju

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskaper

• Drøfte grunnomgrep og arbeidsmetodar i faget
• Identifisere samanhengar mellom teori og data
• Forklare relevansen av positivistiske, hermeneutiske og diskursive forskingstilnærmingar
• Forstå og drøfte kritisk metodar i andre forskingsbidrag

Ferdigheter

• Argumentera for val av metodisk tilnærming med utgangspunkt i ei problemstilling
• Anvende ulike metodar i empiriske analysar
• Integrere ulike metodar i eitt forskingsopplegg
• Konstruera velbegrunna forskingsopplegg
• Integrere dei ulike delane av ein forskingsprosess

Generell kompetanse

• Anvende ulike vitskapsteoretiske perspektiv for å begrunna eigne metodeval
• Utvikle eigne forskingsopplegg
• Bistå andre studentar i utvikling av forskingsopplegg

Presentasjon av eit kortare essay (om lag 2000 ord) om eit pensum relatert tema. I tillegg skal kvar student minst ein gong kommentera eit skriftleg/munnleg bidrag frå ein annan student.

Arbeidskravet må vere godkjent for å kunne ta eksamen. Godkjente obligatoriske arbeidskrav er gyldig i det aktuelle eksamenssemesteret samt dei to påfølgande eksamenssemestra.

Studierettleiar@aorg.uib.no

Tlf 55 58 21 54