Haust.

Emnet har eit avgrensa tal på plassar og inngår i undervisningsopptaket ved MN-fakultetet. Fristen for å melde seg til undervisning i emnet er onsdag i veke 33. Du får svar på om du har fått plass på emnet på Studentweb seinast måndag i veka etter fristen.

Det er obligatorisk oppmøte på første forelesing/orienteringsmøtet, og du kan risikere å miste plassen om du ikkje møter. Dersom du ikkje kan møte på første forelesing/orienteringsmøtet må du kontakte studieseksjonen på e-post: studie.bio@uib.no. Tidspunkt for første forelesing/orienteringsmøtet finn du i timeplanen under «Ressursar» øvst til høgre eller på Mitt UiB.

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskapar:

• ha kunnskap om evolusjonsteoriens historie og kjernelogikk, samt om Darwin og andre sentrale personar
• kjenne til korleis evolusjon skjer på individ- og populasjonsnivå og har ein molekylær basis
• ha kunnskap om sentrale omgrep, definisjonar og teoriar innan økologi, åtferd, læring, livshistorie, populasjonsdynamikk, genetikk og evolusjon
• ha forståing av korleis seleksjonstrykk oppstår i økologisk samspel og konkurranse mellom individ og artar
• kjenne til hovudlinjene i livet sitt opphav og utvikling på jorda, inkludert evolusjon av mennesket

Ferdigheiter:

• gjere enkle rekneoppgåver og berekningar innan populasjonsdynamikk og genetikk, blant anna ved hjelp av rekneark
• kunne lese og forklare grafar med forskingsresultater

Generell kompetanse:

• anvende eit presist fagspråk med tydeleg bruk av omgrep og eintydige setningar
• sjå parallellar og trekke linjer mellom forskjellige biologiske disiplinar slik evolusjonsteorien bringar dei saman
• kjenne att og diskutere evolusjonære problemstillingar i tekstar om biologiske system
• samarbeide i grupper og resonnere og argumentere om evolusjon og økologi

Det er mappevurdering i BIO100 der karakteren er basert på to element:

1) Poeng frå individuelle testar og innleveringar undervegs i samband med gruppeundervisning (vekt 25%).

2) Ein skriftleg avsluttande skuleeksamen med fleirvalsoppgåver (3 timar, vekt 75%) som ein må bestå for å bestå emnet.

Studentar som består vurderingselement 2 får ein bokstavkarakter basert på begge vurderingselementa, vekta slik som i lista ovanfor, der progresjon kan avgjere vippetilfelle. Studentar som tidlegare har gjennomført delar av karaktergrunnlaget kan velje å ta opp eitt eller begge vurderingselementa i undervisningssemesteret (haust). Den beste presentasjonen på kvart vurderingselement nyttast til å rekne ut ny karakter. Poeng frå tidlegare semester kan bli justert om det er nivåforskjeller frå år til år, til dømes grunna vanskegrad på eksamensoppgåvene.

Vurderingselementa er gyldige i seks semester, inkludert inneverande semester.

Ta kontakt med studieseksjonen dersom gyldigheita av vurderingselementa har gått ut for å sjekke om du likevel kan ta opp emnet.

Ta også kontakt med studieseksjonen dersom du har tatt emnet med tidligare vurderingskombinasjon og ønsker å forbetre karakteren. Studenter som har tatt emnet med tidligare vurderingskombinasjon kan ta opp igjen ein eller to deleksamenar fram til og med våren 2022.